Degania Alef
Degania Alef (hebraisk דְּגַנְיָה א', D'ganya Alef) er ein kibbutz nord i Israel. Han høyrer til Emek HaYarden regionale kommune og var den første kibbutzen i Israel. Han vart grunnlagd i 1909.[2]
| Degania Alef | |||
| landsby | |||
 | |||
| Land |  Israel
| ||
|---|---|---|---|
| Region | Jordandalen | ||
| Distrikt | Nord distrikt | ||
| Kommune | Emek HaYarden | ||
| Koordinatar | 32°42′29.16″N 35°34′29.63″E / 32.7081000°N 35.5748972°E | ||
| Folketal | 517 (2008)[1] | ||
| Grunnlagd | 1910 | ||
| • Grunnlagd av | = Jødiske pionerar | ||
| Tilhøyrsle | Kibbutzrørsla | ||
 Degania Alef 32°42′29″N 35°34′30″E / 32.7081°N 35.574897222222°E | |||
  Kart som viser Degania Alef.
| |||
| Wikimedia Commons: Degania Alef | |||
| Nettstad: www.degania.org.il | |||
Historie
endre
Degania Alef var den første kibbutzen som vart grunnlagd av jødiske sionist-pionerar i Palestina, då under osmansk styre. Han vart grunnlagd av ei gruppe på ti menn og to kvinner.[3][4] Degania Bet vart grunnlagd i sør i 1920. Den 20. mai 1948 under slaget i Kinarotdalen dreiv Degania Alef og Degania Bet attende eit syrisk åtak.[4]
Diktaren Rachel, «arbeidarprofeten» A.D. Gordon og Joseph Trumpeldor arbeidde alle i Degania Alef. Gideon Baratz var det første barnet som var fødd i kibbutzen og Moshe Dayan var det andre. Dayan vart kalla opp etter Moshe Barsky, det første kibbutz-medlemmet som vart drepen i eit arabisk åtak.[5] Barsky vart drepen i november 1913. Han var aleine på markene då han vart skoten i ryggen av arabiske bandittar.[6]
Begge Degania-landsbyane ligg langs sørbreidda av Genesaretsjøen. I 1947 hadde Degania Alef eit folketal på 380. Under den israelsk-arabiske krigen i 1948 vart busetnaden fullstendig øydelagd av den syriske hæren.[7] I følgje ei bok frå 1949 av Jewish National Fund vart landsbyen øydelagd under åtak på dei nærliggande jødiske landsbyane Shaar Hagolan og Massada. Innbyggjarane gjorde motstand og sette i gang eit motåtak og gjorde at dei kunne vinne attende nabolandsbyane. Gjenoppbygginga starta nesten med ein gong. Namnet kjem frå «dagan», som tyder «korn».[8]
Kjelder
endre- Denne artikkelen bygger på «Degania Alef» frå Wikipedia på engelsk, den 22. februar 2015.
- ↑ «Locality File» (XLS). Israelsk statistisk sentralbyrå. 2008. Henta 10. oktober 2014.
- ↑ Adult children of the dream, Jerusalem Post
- ↑ arkivkopi, arkivert frå originalen 15. desember 2011, henta 22. februar 2015
- ↑ 4,0 4,1 Mapa's concise gazetteer of Israel. Yuval El'azari (ed.). Tel-Aviv: Mapa Publishing. 2005. s. 125. ISBN 965-7184-34-7. (he)
- ↑ Taslitt, Israel Isaac (1969). Soldier of Israel: the story of General Moshe Dayan. s. 8: Funk and Wagnalls.
- ↑ La Guardia, Anton (2002). War without end: Israeli, Palestinians, and the struggle for a promised land. s. 113: Macmillan.
- ↑ Martin Van Creveld (2002). The sword and the olive: a critical history of the israelske defense force. PublicAffairs. s. 79,82 180. ISBN 1-58648-155-X.
- ↑ Jewish National Fund (1949). Jewish Villages in Israel. Jerusalem: Hamadpis Liphshitz Press. s. 31.
Bakgrunnsstoff
endre- Offisiell nettstad (he)
- A Day in Degania, frå Steven Spielberg Jewish Film Archive