Dei sørlege Karpatane

Dei sørlege Karpatane i Romania

Dei sørlege Karpatane (rumensk Carpaţii Meridionali), òg kalla Dei transilvanske Alpane, er ei fjellkjede mellom sentrale og sørlege område i Romania på eine sida og Serbia på den andre. Dei dekkjer delane av Karpatane som ligg mellom elvane Prahova i aust og Timiş og Cerna i vest. I sør grenser dei til Balkanfjella i Serbia.

Innhaldsliste

Fjelltoppar

Vidrarusjøen i Făgăraşfjella

Dei sørlege Karpatane er den nest høgaste fjellgruppa i Karpatane etter Tatrafjella med høgder på over 2500 meter over havet. Sjølv om dei er langt lågare enn Alpane er landskapet alpint. Den alpine utsjånaden og at fjella er lett tilgjengeleg har gjort dei til populære turistdestinasjonar.

Dei høgaste toppane er:

• Moldoveanu, 2544 moh - Făgăraşfjella
• Negoiu, 2535 moh - Făgăraşfjella
• Parângu Mare, 2519 moh - Parângfjella
• Peleaga, 2509 moh - Retezatfjella
• Omu 2507 moh - Bucegifjella

Trass i desse høgdene er dei lettaste fjellovergangane i Karpatane i Romania langs elvane som kryssar fjellkjeda (Olt) eller langs dei vide dalane (langs elvane Prahova og Jiu).

Fjellkjeder

Bucurafjella i Retezatfjella

Bresjøar i Retezatfjella

Landskap i Parângfjella

Frå aust til vest finn er fjellkjeda delt inn i fire fjellgrupper som er skild frå kvarandre av forskjellige elvedalar.

• Bucegigruppa - mellom elvane Prahova og Dâmboviţa.
  • Bucegifjella (Munţii Bucegi)
  • Leaotăfjella (Munţii Leaotă)
• Făgăraşgruppa - mellom elvane Dâmboviţa og Olt.
  • Făgăraşfjella (Munţii Făgăraşului)
  • Iezerfjella (Munţii Iezer)
  • Piatra Craiului-fjella
  • Coziafjella (Munţii Cozia)
• Parânggruppa - mellom Olt og Jiu.
  • Parângfjella (Munţii Parâng)
  • Şureanufjella (Munţii Şureanu/M. Sebeşului)
  • Cindrelfjella (Munţii Cindrel/M. Cibinului)
  • Lotrufjella (Munţii Lotrului)
  • Căpăţânăfjella (Munţii Căpăţânii)
• Retezat-Godeanu-fjella - mellom elva Jiu og elvane Timiş og Cerna.
  • Retezatfjella (Munţii Retezat)
  • Godeanufjella (Munţii Godeanu)
  • Vâlcanfjella (Munţii Vâlcan)
  • Mehedinţifjella (Munţii Mehendinţi)
  • Cernafjella (Munţii Cernei)
  • Ţarcufjella (Munţii Ţarcu).

Dei første to gruppene er brattast på nordsida og dei to siste er brattast på sørsida.

Kjelder

• Denne artikkelen bygger på «Southern Carpathians» frå Wikipedia på engelsk, den 1. juli 2008.
  • Wikipedia på engelsk oppgav desse kjeldene:

Sjå òg

• Karpatane
• Prahovadalen, i aust
• Jernporten, i sørvest