Den faste skilsdomstolen
Den faste skilsdomstolen (fransk Cour permanente d'arbitrage, engelsk Permanent Court of Arbitration) er ein internasjonal domstol for frivillig løysing av konfliktar mellom statar.
| Den faste skilsdomstolen | |||
 | |||
| Type | Internasjonal domstol | ||
|---|---|---|---|
| Virkefelt | Nederland | ||
| Skipa | 1899 | ||
| Hovudkontor | Fredspalasset | ||
| Nettside | pca-cpa.org | ||
Soge
endreDomstolen vart oppretta ved konvensjon i 1899 etter den første fredskonferansen i Haag. Traktaten vart revidert i 1907 etter den andre fredskonferansen i Haag.[1] Domstolen handsamar no òg saker som har mellomstatlege organisasjonar og private som partar.[2] I alt 115 statar er medlem av domstolen.[3] Domstolen held til i Fredspalasset i Haag i Nederland.
Etter skipinga i 1899 vart nordmannen Gregers Gram utnemnd til skilsdommer.[4] Sidan ein norsk-svensk grensekommisjon i 1897 ikkje vart samde om sjøgrensa ved Grisbådarna, der det var eit rikt hummerfiske, vart saka løyst ved skilsdom av Den faste skilsdomstolen, som fatta vedtaket sitt i 1909.
Kjelder
endre- ↑ History Arkivert 2007-09-04 ved Wayback Machine., Permanent Court of Arbitration.
- ↑ About Us Arkivert 2010-03-29 ved Wayback Machine., Permanent Court of Arbitration.
- ↑ Member States Arkivert 2013-05-21 ved Wayback Machine., Permanent Court of Arbitration.
- ↑ Gregers Gram, regjeringen.no.
- Denne artikkelen bygger på «Den faste voldgiftsdomstolen» frå Wikipedia på bokmål, den 11. februar 2018.
