Digermulen kyrkje

Digermulen kyrkje ligg på Digermulen i Vågan kommune i Nordland, i Lofoten prosti. Kyrkja er ei åttekanta kyrkje i betong. Ho vart vigsla 24. juni 1951 og har 250 plassar.

Digermulen kyrkje
kyrkje
Kyrkjesamfunn	Den norske kyrkja
Bispedøme	Sør-Hålogaland
Prosti	Lofoten
Sokn	Svolvær
Fellesråd	Vågan
Arkitekt	Nygaard og Schyberg
Material	Betong
Innvigd	24. juni 1951, 5. søn. e. trefoldigheit
Kyrkjegard	Ved kyrkja
Sitjeplassar	250
Digermulen kyrkje 68.3122°N 14.9849°E / 68.3122; 14.9849

Arbeidet med å få bygd ei kyrkje i Austre Vågan starta så tidleg som i 1900. Vågan kommune hadde likevel dårleg økonomi, og det gjekk lang tid før ideen kunne realiserast. I november 1941 gav professor Ewald Bosse og kona hans 30 000 kroner til bygging av ei lita kyrkje ein stad i Hålogaland. Biskop Wollert Krohn-Hansen i Hålogaland bispedømme vart einig med prost Kristen Skjeseth i Vågan om å bruke pengane til å byggje ei kyrkje i Digermulen. Bygginga av kyrkja kom likevel ikkje i gang før i juli 1950.

Treskurden på preikestolen og rundt altartavla, og den utskorne døypefonten i kleberstein, er gjord av Iver Hølmo (1910-1954) frå Vågå. Han skar i 1953 òg interiøret til Røssvoll kyrkje.

Andre kyrkjer i Vågan

• Gimsøy kyrkje
• Henningsvær kyrkje
• Sildpollnes kyrkje
• Strandlandet kyrkje
• Svolvær kyrkje
• Vågan kyrkje

Kjelder

• Årbok for Vågan 2001: Digermulen kirke 50 år Arkivert 2007-03-30 ved Wayback Machine. (pdf-fil)

Bakgrunnsstoff

• Digermulen kyrkje i kulturminnesok.no, nettstaden til Riksantikvaren