Dr. Kawashima's Devilish Brain Training: Can You Stay Focused?
Dr. Kawashima's Devilish Brain Training: Can You Stay Focused?, kjent i Nord-Amerika som Brain Age: Concentration Training, er eit hjernetrimspel utvikla og utgjeve av Nintendo til Nintendo 3DS. Det vart utgjeve i Japan i juli 2012 og februar året etter i Nord-Amerika. Spelet hadde planlagt utgjeving i Europa mars 2013[1], deretter 12. april 2013, før det vart utsett på ubestemt tid.[2] Til slutt vart spelet lansert i Europa den 28. juli 2017, nøyaktig fem år etter utgjevinga i Japan.
| Dr. Kawashima's Devilish Brain Training: Can You Stay Focused? | |||
| Utviklar(ar) | Nintendo SPD | ||
|---|---|---|---|
| Utgjevar(ar) | Nintendo | ||
| Kreativt ansvarleg(e) | Noriko Kitamura Yuichiro Ito | ||
| Produsent(ar) | Kouichi Kawamoto | ||
| Komponist(ar) | Minako Hamano Shinji Ushiroda Megumi Inoue Shinobu Nagata | ||
| Serie | Brain Age | ||
| Plattform(er) | Nintendo 3DS | ||
| Utgjeving | JP: 28. juli 2012 NA: 10. februar 2013 EU: 28. juli 2017 | ||
| Sjanger | Hjernetrim | ||
| Spelemodus | Einspelar, fleirspelar | ||
| Aldersgrense | PEGI 3 | ||
| Nettstad | http://brainage.nintendo.com/, https://www.nintendo.co.jp/3ds/asrj/ | ||
| Del av serien Brain Age⠀ | |||
Devilish Brain Training har øvingar som legg vekt på konsetrasjonsevne og fokuserer på å trene arbeidsminnet til spelaren. Konsentrasjonsøvingane, kalla «Devilish Training», har ein dynamisk vanskegrad som tilpassar seg ferdigheitene til spelaren. Spelet inneheld også øvingar henta frå dei tidlegare spela i Brain Training-serien, Dr. Kawashima's Brain Training: How Old Is Your Brain? og More Brain Training from Dr. Kawashima: How Old Is Your Brain?, i tillegg til nye aktivitetar.[3] Den japanske doktoren Ryuta Kawashima fungerer som vert og motivator i spelet, og han manifesterer seg som eit svevande hovud. Når spelaren vel modusen «Devilish Training» skiftar han form til å likne ein oni, som er demonar frå japansk mytologi med horn og raud hud. I Vesten vart omgrepet oni lokalisert som «djevel», derav namnet Devilish Training.[4]
Referansar
endre- ↑ «Spanande vårslepp frå Nintendo». Gamer.no. Henta 17. april 2018.
- ↑ «Nintendo delays new Brain Training game days before release». Eurogamer. Henta 17. april 2018.
- ↑ «Nintendo 3DS: Dr. Kawashima's Devilish Brain Training: Can You Stay FOCUSED?». nintendo.no. Henta 17. april 2018.
- ↑ «The New Brain Age Features a Satanic Doctor». Kotaku. Henta 24. mai 2018.