Edward Bransfield

Edward Bransfield (fødd ca. 1785 i Ballinacurra, County Cork i Irland, død 1852 i Brighton i England) var ein irsk styrmann og ein av dei første til å observere det antarktiske fastlandet.

Edward Bransfield
Statsborgarskap Irland
Fødd 1785
Cork
Død

31. oktober 1852 (67 år)
Brighton

Yrke oppdagar
Bransfieldstredet sett frå Livingston Island med Antarktishalvøya i bakgrunnen.

Han vart i 1803 tvangsinnskriven i den britiske flåten og deltok i sjøkrigen mot Napoleon. I 1817 vart han utstasjonert i det sørlege Stillehavet, der Royal Navy hadde ein nyoppretta flåte nær Valparaíso i Chile. Sommaren 1819/1820 fekk han i oppdrag å følgje den engelske handelskapteinen William Smith for å undersøkja Sør-Shetlandsøyane sør for Drakesundet, ei øygruppe Smith hadde oppdaga året før.

22. januar 1820 nådde dei fram til øygruppa og gjekk i land på King George Island, og Bransfield gjorde krav på øyane for den britiske kongen. Dei fortsette i sørvestleg kurs forbi Deceptionøya, utan å utforske ho nærare. Deretter fortsette dei sørover og kryssa det som seinare vart heitande Bransfield Strait. 30. januar observerte dei Trinityhalvøya, den nordlegaste delen av Antarktishalvøya på det antarktiske kontinent. Han var sjølvsagt uvitande om at russaren Fabian Gottlieb von Bellingshausen tre dagar tidlegare, den 27. januar 1820, på motsett side av kontinentet som førstemann hadde observert fastlandet.

Kjelder endre