Einar Steensnæs

Einar Steensnæs (fødd 10. mars 1942) er ein norsk lektor og politikar frå Haugesund som har representert Kristeleg Folkeparti. Perioden 1989-90 var han statsråd i Syse-regjeringa og i 2001-04 var han statsråd i Bondevik II-regjeringa.

Einar Steensnæs
Fødd	10. mars 1942 (82 år) Haugesund kommune
Statsborgar av	Noreg
Parti	Kristeleg Folkeparti
Yrke	politikar
Alle verv	stortingsrepresentant (1993–1997) Norsk olje- og energiminister (2001–2004) Norges kunnskapsminister (1990–1990) Norsk kyrkje- og undervisningsminister (1989–1990) stortingsrepresentant (1997–2001) stortingsrepresentant (2001–2005) ordførar i Haugesund (1988–1989) ordførar i Haugesund (1992–1993)

Steensnæs er utdanna cand.real. og arbeidde som lektor og inspektør ved vidaregåande skular i heimbyen Haugesund. 16. oktober 1989 vart han sjef for Kyrkje- og undervisningsdepartementet i den nyskipa regjeringa leia av Jan Peder Syse. Frå nyåret var han statsråd i Utdannings- og forskningsdepartementet, då det vart gjort endringar i departementstrukturen. Regjeringa fall hausten 1990 og gjekk av den 3. november. Frå 1993 var Steensnæs innvald på Stortinget for Kristeleg Folkeparti, og hadde sete på tinget fram til 2005. I den fyrste stortingsperioden var han medlem av finanskomiteen. Frå 1997 til 22. mars 2000 var han sekretær i utanrikskomiteen, deretter var han leiar av komiteen ut stortingsperioden. Han var elles medlem av arbeidsordningskomiteen og valkomiteen i stortingsperioden 1997-2001. I sin siste periode på Stortinget var han medlem av næringskomiteen. Frå oktober 2001 var han sjef for Olje- og energidepartementet, ei stilling han hadde til 18. juni 2004. Han tok ikkje attval til Stortinget i 2005.

Steensnæs har sidan 2006 vore direktør ved Oslosenteret for fred og menneskerettigheter, samt styremedlem av UNESCO.

Kjelder

• «Einar Steensnæs». Stortinget.no. 

• Denne artikkelen bygger på «Einar Steensnæs» frå Wikipedia på bokmål, den 26. juni 2013.