Eirene
Eirene, eller Irene (Εἰρήνη, gresk for 'fred') var gudinne for fred i gresk mytologi. Ifølge nokre tradisjonar var ho ei av dei tre horaiene ('timane'), gudinnene som styrte dagleglivet. Dei to søstrene hennar heitte Eunomia og Dike, og dei var døtrer av Zevs og Themis.
| Eirene | |||
 | |||
| Identifisert med | Pax | ||
|---|---|---|---|
| Mor | Themis | ||
| Far | Zevs | ||
Eirene var ei personleggjering av fred. Ho blei avbilda i kunst som ei vakker ung kvinne som bar eit overflodshorn, septer og ein fakkel eller eit drikkekar kalla rhyton.
Eit kjent verk av Kephisodotos den eldre (ca 370 f.Kr.) viser Eirene som ber barnet Plutos, guden for rikdomm, på armen. Statuen stod ein gong på agoraen i Aten, og er sidan gått tapt. Ein romersk kopi finst ved Glyptothek i München.
Kvinnenamnet Irene og det tilsvarande mannsnamnet Ireneus, som hjå Ireneus av Lyon, kjem frå denne gudinna.
Pax (latin for 'fred') var den romerske gudinna som tilsvarte Eirene.
Kjelder
endre- Denne artikkelen bygger på «Eirene» frå Wikipedia på svensk, og «Eirene (gresk gudinne)» frå Wikipedia på bokmål den 10. april 2009.
Denne artikkelen treng referansar for verifikasjon. |
