El Hierro

El Hierro, med kallenamnet Isla del Meridiano («Meridianøya»), er ei spansk øy. Ho er den minste, sørlegaste og vestlegaste øya i Kanariøyane i Atlanterhavet. Ho ligg akkurat på 18 grader vest.

El Hierro
Geografi
Stad	Atlanterhavet
Koordinatar	27°44′N 18°03′W
Øygruppe	Kanariøyane
Areal	278 km²
Høgaste punkt	Malpaso (1502 moh.)
Administrasjon
Land	Spania
Provins	Santa Cruz de Tenerife
Største busetnad	Valverde (5797 innb.)
Demografi
Folketal	10 162 (2003)
Folketettleik	37 /km²

Virgen de la Caridad kapell

Vestenden av El Hierro var lenge rekna for å vere enden av den kjende verda for europearane.

Historie

Namnet på øya kjem frå guanche og tyder «helt», men i løpet av åra har namnet endra seg til «Hierro», som tyder «jarn» på spansk. Derfor vert Ferro òg stundom nytta som eit alternativt namn på øya.

Dei innfødde på øya, kalla bimbachar, vart erobra av Jean de Béthencourt, men det skjedde meir gjennom forhandlingar enn med militær makt. Béthencourt var alliert med Augeron, bror til monarken på øya. Han hadde i årevis vorte halde fange av europearane og var her ein meklar mellom europearane og guanchane. Mot at Béthencourt fekk kontroll over øya, lovde han fridom for dei innfødde, men han heldt ikkje lovnaden og selde seinare mange av dei som slavar. Mange franskmenn og spanjolar frå Galicia slo seg ned på øya.

Geografi og natur

Som resten av øygrupper er øya fjellendt. Ho har eit areal på 278 km². Det høgaste punktet ligg midt på øya og heiter Malpaso med ei høgd på 1502 meter over havet. Fleire unike artar finst på El Hierro, som ei kjempeøgle (Gallotia simonyi).

Øya er ein del av provinsen Santa Cruz de Tenerife og består av tre kommunar:

• Frontera
• Valverde
• El Pinar

Valverde ligg nordaust på øya, medan Frontera ligg i sørvest. Begge inneheld fleire landsbyar. Setet på øya er Valverde. I 2003 budde litt over 10 000 innbyggjarar på øya.

Turisme

Som alle av Kanariøyane er El Hierro ein turistdestinasjon. Ho har ein liten flyplass ved Valverde og ein ferjeterminal som begge har samband med Tenerife.

Kjelder

• Denne artikkelen bygger på «El Hierro» frå Wikipedia på engelsk, den 15. august 2009.

Bakgrunnsstoff

Wikimedia Commons har multimedia som gjeld: El Hierro

• Plante- og dyreliv på El Hierro