Elg i solnedgang
Elg i solnedgang er eit kjent motiv for bilde hengde opp i norske heimar i etterkrigsåra. Det finst fleire variantar av motivet, med bilde av elgar i skogen i solnedgang, dagslys, månelys og anna. Den nyromantiske kunstnaren Christian Skredsvig måla eit kjent måleri kalla Elg i solrenningen.[1] Elles er Gondro Elind opphavsmann til mangfaldiggjorte motiv.[2]
_(14783477983).jpg)
Etter den sterke populariteten i etterkrigstida gjekk motivet av moten på 1960- og 1970-talet. Det blei omtalt som «kitsch» eller «harry», det vil seia banalt, smaklaust eller folkeleg. Seinare har interessa for dei eldre bilda og for sjølve motivet teke seg opp att.[1]
Arne Lie Christensen tok for seg fleire døme på folkeleg kunst i Noreg i boka Elg i solnedgang – et kulturhistorisk blikk på bilder i 2020.[1][3]
Kjelder endre
- ↑ 1,0 1,1 1,2 Haug, Leif Ø (6. januar 2021), «(+) Elgen som ikke ville dø», jaktogfiske.njff.no (på norsk bokmål), henta 14. desember 2022
- ↑ Nordbø, Nina (17. februar 2020), «7 bilder av den norske folkesjela», NRK (på norsk bokmål), henta 14. desember 2022
- ↑ Kraft, Nina (18. november 2020), «Snobberi i solnedgang», Kulturplot (på norsk bokmål), henta 14. desember 2022