Christian Skredsvig
Christian Skredsvig (12. mars 1854–19. januar 1924) var ein norsk målar og forfattar. Han er særleg kjend for sine stemningsfulle bilete frå norsk skogsnatur, samt fransk landsbygd.
| Christian Skredsvig | |
.jpg) | |
| Statsborgarskap | Noreg |
| Fødd | 12. mars 1854 Modum kommune |
| Død |
19. januar 1924 (69 år) |
| Yrke | kunstmålar, skribent |
| Christian Skredsvig på Commons | |
Liv og gjerning
endreChristian Skredsvig vart fødd på Modum i Buskerud i 1854. 15 år gammal byrja han på Eckersberg tegne- og malerskole i Christiania, der han fekk friplass fordi han kom frå fattige kår i ein stor familie. Han studerte sidan i København, og ved kunstakademiet i München og i Paris. I 1881 vann han, som einaste norske kunstnar, gullmedalje for måleriet Une ferme a Venoix (Ein bondegard i Venoix) ved Salongen i Paris. Etter mange år i Paris flytta han i 1886 heim til Noreg og garden Fleskum i Bærum. Blant dei mest kjende måleria til Skredsvig er Seljefløiten, måla ved Dælivannet i Bærum og På vildgræs, måla i Eggedal 1894.
I 12 år var han gift med Maggie Plathe frå Høvik, men han vart skild frå henne i 1894 og flytta då til Eggedal i Sigdal kommune. Her bygde han heimen sin «Hagan», museum frå 1970. I 1898 gifta han seg med Beret Berg frå Eggedal og dei fekk fire barn saman. Eggedalsnaturen gav Skredsvig ro og inspirasjon. Kjende måleri frå Eggedal er Vår i Hagan, Idyll og Jupsjøen. I 1896 flytta også Skredsvigs gode ven frå studietida i München, kunstnaren Theodor Kittelsen, til Sigdal.
Skredsvig skreiv også bøker, og i 1908 utgav han sjølvbiografien Dage og Nætter blandt Kunstnere, seinare følgde romanane Møllerens Søn (1912) og Evens hjemkomst.
Skredsvig vart buande i Hagan i Eggedal fram til han døydde i 1924. På gravstaden hans reiste ungdommen i Eggedal ein bauta med desse orda hogde inn i steinen:
- «Udødelig ditt navn vil stå, din kunst vil fjerne slekter nå».
Galleri
endre-
Tjernet, 1879 -
«Ballade», 1885 -
Løkken Gimle, 1911
