Elisabeth Røbekk Nørve

Elisabeth Røbekk Nørve (fødd 29. mars 1951 i Borgund) er ein norsk politikar frå Høgre. Frå 1997 til 2001 var ho vararepresentant til Stortinget frå Møre og Romsdal. Ho vart vald inn på Stortinget for perioden 2001–2005. I perioden 2005–2009 var ho 1. vararepresentant, og møtte fast på Stortinget frå 3. desember 2007 for den avdøde stortingsrepresentanten Petter Løvik. I 2009 vart Nørve på nytt vald inn på eige mandat.

Elisabeth Røbekk Nørve
Fødd	29. mars 1951 (73 år) Sula
Statsborgar av	Noreg
Parti	Høgre
Yrke	politikar, forretningsdrivande
Alle verv	stortingsrepresentant (2001–2005) stortingsrepresentant (2013–2017) vararepresentant til Stortinget (1997–2001) vararepresentant til Stortinget (2005–2009) stortingsrepresentant (2009–2013) stortingsrepresentant (2007–2009)

Nørve har teke Handelsskole redusert fagkrets ved Latinskolen Ålesund, Reiselivskole NKI, Folkeuniversitetet og Interiørkonsulent NKI, Folkeuniversitetet. Nørve har ein lang og variert yrkespraksis innan ulike serviceyrke, frå hushjelp i åra 1965-1966 til butikkansvarleg og sjølvstendig næringsdrivande. I tillegg har ho vore rådgjevar for Møre og Romsdal NHO.

Nørve gjekk av som 1. nestleiar i Møre og Romsdal Høgre den 8. mars 2009, eit verv ho hadde hatt sidan 2004. I perioden frå oktober 2007 til 9. mars 2008 var ho fungerande leiar i fylkesforeininga.

Stortingskomitear

• 2001-2005 medlem av Sosialkomiteen
• 2001-2005 medlem av Fullmaktskomiteen
• 2001-2005 varamedlem av Valkomiteen
• 2007-2009 medlem av Næringskomiteen
• 2009-2013 medlem av Næringskomiteen

Kjelder

• Denne artikkelen bygger på «Elisabeth Røbekk Nørve» frå Wikipedia på bokmål, den 10. september 2010.

Bakgrunnsstoff

• Stortinget.no - Biografi
• Høyre - Biografi Arkivert 2010-08-08 ved Wayback Machine.