Elise Ottesen-Jensen
Elise Ottesen-Jensen (2. januar 1886–4. september 1973) var ein norsk-svensk seksualopplysar, journalist og sosialistisk agitator som kjempa særleg hardt for kvinnenes rett til å forstå og styra over sin eigen seksualitet. Ho er rekna som ei føregangskvinne innan kvinnekamp og feminisme.
| Elise Ottesen-Jensen | |
 Elise Ottesen-Jensen holder foredrag i Sverige på 1940-talet | |
| Statsborgarskap | Noreg, Sverige |
| Fødd | 2. januar 1886 Høyland |
| Død |
4. september 1973 (87 år) |
| Yrke | politikar, seksualpedagog, journalist |
| Språk | norsk |
| Ektefelle | Albert Jensen |
| Elise Ottesen-Jensen på Commons | |
Ho vart fødd Elise Ottesen i Høyland kommune i Rogaland fylke som prestedotter, nummer 17 av ein barneflokk på 18. Høyland kommune gjekk i 1965 inn i Sandnes kommune, slik at mange gonger vert ho rekna å koma frå Sandnes. Elise Ottesen var frå 1915 til 1945 gift med fredsagitatoren Albert Jensen.
Medan ho voks opp ville ho bli tannlege, men mista fingrar i ei ulukke og enda opp som journalist i staden. Ho fekk oppleva at veslesystera blei gravid og tvinga til å adoptera bort barnet ho hadde fødd, for sidan å ta livet av seg i lengsel etter barnet.[1] Lagnaden til systera var ei skjelsetjande oppleving og eit grunnlag for den kampen Elise starta for rett til seksualopplysing og abort for kvinner. Den skulle vara i femti år.
Ho var verksam i Sverige frå 1919, og grunnla Riksförbundet för sexuell upplysning (RFSU) i 1933. RFSU er ein ideell organisasjon som driv med informasjon om emne knytt til seksualitet.
Spreiing av informasjon om emne knytt til seksualitet var lenge nærast tabu, og til dels ulovleg. Ho la vekt på å informera om kontroversielle emne som prevensjon og abort.
Ottesen-Jensen gjekk under tilnamnet Ottar. Den norske feministiske kvinnegruppa Ottar er oppkalla etter henne.
Kjelder
endre- ↑ YELAH «Om Elise Ottesen-Jensen», arkivert frå originalen 27. september 2007, henta 24. januar 2019