Ellen Terry
Ellen Terry (27. februar 1847–21. juli 1928) var ein britisk skodespelar som blei kjend for rollene sine i mange Shakespeare-stykke.
| Ellen Terry | |||
 | |||
| Fødd | 27. februar 1847 | ||
|---|---|---|---|
| Fødestad | Coventry | ||
| Død | 21. juli 1928 (81 år) | ||
| Dødsstad | Tenterden, Small Hythe | ||
| Verka som | teaterskodespelar, filmskodespelar, impresario, skribent | ||
| Mor | Sarah Ballard | ||
| Far | Benjamin Terry | ||
| Ektefelle | George Frederic Watts, James Carew, Edward William Godwin, Charles Clavering Wardell Kelly | ||
| Sambuar | Edward William Godwin | ||
| Born | Edith Craig, Edward Gordon Craig | ||
| Prisar | storkorsdame av Order of the British Empire | ||
Terry var fødd i Coventry, i ein familie der stort sett alle var skodespelarar. Ho debuterte på scena som åtteåring i 1856; i publikum var mellom anna dronning Victoria av Storbritannia. Terry hadde store suksessar, mellom anna med rolla som Puck i Ein midsommarnattsdraum av Shakespeare og medverka og i oppsetjinga av An American Cousin. Ho trekte seg tilbake frå scena då ho var 16 år for å gifta seg med den britiske målaren George Frederick Watts, men paret skilte lag allerie etter ti månader, sjølv om skilsmissa fyste kom i kraft i 1877. Terry hadde eit comeback då ho var 22 år, og i dei følgjande tiåra blei ho den mest feira skodespelaren i England.
Ho spelte mot Henry Irving i mange shakespearestykke, og er aller best kjend for rolla si som Ofelia i Hamlet. Ho medverka òg i nokre stumfilmar.
I mange år brevveksla ho med forfattaren George Bernard Shaw.
Ho var gift to gongar til, frå 1877 til 1885 med Charles Wardell Kelly og frå 1907 fram til ho døydde i 1928 med stumfilmskodespelaren James Carew. Terry hadde to barn, fødde 1869 og 1872, eit av dei den kjende regissøren Edward Gordon Craig. Dei var fødd i dei åra ho offisielt var gift med Watts, men faren til barna var arkitekten Edward Godwin.
Terry blei adla 1925. Ho døydde i 1928 i Small Hythe nær Tenterden i Kent.
Filmografi endre
- 1917 - Her Greatest Performance
- 1918 - Victory and Peace
- 1918 - The Invasion of Britain
- 1918 - Denny From Ireland
- 1920 - Denny From Ireland
- 1922 - Potter's Clay
- 1922 - The Bohemian Girl
Kjelder endre
- Denne artikkelen bygger på «Ellen Terry» frå Wikipedia på svensk, den 8. august 2023.