Ellsworth Mountains

(Omdirigert frå Ellsworth-fjella)

Ellsworth Mountains er den høgaste fjellkjeda i Antarktis, og dannar ei 360 km lang og 48 km brei rekkje av fjell frå nord til sør på vestsida av Ronne isbrem.[1] Dei vert kryssa av Minnesotabreen som skil Sentinel Range i nord frå Heritage Range i sør. Førstnemnde er langt høgare og meir spektakulær med Vinson Massif på 4892 moh som det høgaste punktet på kontinentet.

Ellsworth Mountains
fjellkjede
Horseshoe Valley i Heritage Range
Land  Antarktis
Stad Marie Byrd Land
 - koordinatar 78°31′S 85°37′W / 78.517°S 85.617°W / -78.517; -85.617
Høgaste punkt Vinson Massif
 - høgd 4 892 moh.
 - koordinatar 78°31′32″S 85°37′02″W / 78.52556°S 85.61722°W / -78.52556; -85.61722
Lengd 360 km, nord-nordvest – sør-søraust
Areal 31 400 km²
Administrert under Antarktistraktaten
Kart
Ellsworth Mountains
78°45′S 85°00′W / 78.75°S 85°W / -78.75; -85
Sentinel Range, Ellsworth Mountains
Sentinel Range, Ellsworth Mountains
Sentinel Range, Ellsworth Mountains
Ellsworth Mountains is located in Antarktis
Ellsworth Mountains (Antarktis)
Wikimedia Commons: Ellsworth Mountains

Historie endre

Fjella vart oppdaga den 23. november 1935 av Lincoln Ellsworth under ein flytur over Antarktis frå Dundee Island til Rossisen. Han gav fjellkjeda det skildrande namnet Sentinel Range.[1] Sentinel tyder «kjennemerke» eller «kjenneteikn» på engelsk.

Fjella vart kartlagde i detalj av USGS frå landmålingar og flyfotografi frå U.S. Navy, 1958-66. Då det vart klårt av fjella bestod av to fråskilde rekkjer, gav US-ACAN berre den høgare, nordlege delen av fjellkjeda namnet Sentinel Range og den sørlege delen namnet Heritage Range. I tillegg kalla komiteen heile fjellkjeda opp etter oppdagaren.[1]

Klima endre

Temperaturane i Ellsworth Mountains er i snitt kring -30 °C. Dei beste månadane for ekspedisjonar her er frå november til januar, då det er midtsommar på den sørlege halvkula. Ekspedisjonar hit er likevel vanskeleg og krav anten offentleg vitskapleg støtte eller store økonomiske ressursar.

Kjelder endre

Bakgrunnsstoff endre