Emilie Hovden
Emilie Margrethe Hovden (fødd 5. april 1996) er ein norsk handballspelar frå Bergen som sidan 2019 er aktiv i toppserie-klubben Storhamar. Kantspelaren til høgre på bana vart verdsmeister 2021 med Noregs landslag.
| Emilie Hovden | |
| Statsborgarskap | Noreg |
| Fødd | 5. april 1996 (28 år) Bergen |
| Idrett | handball |
Karriere endre
Klubbspel endre
Hovden var aktiv i Fana IL til 2015. Sesongen 2015/16 spelte ho for det nyopprykte toppserielaget Molde HK. Deretter gjekk ho tilbake til Fana IL på nivå 2 i seriesystemet. Sesongen 2016/17 vart Hovden toppskåra i serien med 177 mål. I 2018 rykte Fana opp i toppserien. Sommaren 2019 flytta ho til seriekonkurrenten Storhamar, ein klubb som hevda seg i toppen av divisjonen. Med Storhamar tapte ho i desember 2019 NM-finalen mot IK Våg/Vipers.
Landslagsspel endre
Hovden fekk sin landslagsdebut 25. november 2021. Ho fekk så plass i troppa til verdsmeisterskapen 2021 i Spania. Hovden deltok i innleiingsrunda i turneringa, vart erstatta av Malin Aune i sluttspel-kampane. Per 1.1.2022 er Hovden bokført med 6 landskampar og 23 mål.
Merittar endre
- VM 2021: Gullmedalje etter 29–22 mot Frankrike
- NM 2019: Finaletap med Storhamar IL