Emmy-prisen
Emmy-prisen, også kalla berre Emmy, er ein amerikansk pris for fjernsynsarbeid, tilsvarande Oscar-prisen for film, Tony-prisen for teater og Grammy-prisen for musikk. Til saman utgjer desse dei fire store kulturprisane i USA.[1][2]
Emmy-prisane blir gjevne innan fleire kategoriar for amerikansk fjernsyn, og blir delte ut ved flere ulike prisseremoniar i løpet av året. Dei to utdelingsseremoniane som får mest omtale i media er utdelinga av Primetime Emmy og Daytime Emmy, som anerkjenner utmerka arbeid i amerikanske underhaldningsprogram sende på kveldstid og dagtid. Det blir også halde lokale emmyprisutdelingar rundt om i landet på ulike tidspunkt i løpet av året. Desse anerkjenner utmerka arbeid innan lokal- og delstatsfjernsyn. I tillegg anerkjenner International Emmy Award utmerka arbeid innan tv-program som er blitt produserte og sende for første gong i land utanfor USA.
Kjelder
endre- ↑ «BBC Learning English | Emmy awards». Bbc.co.uk. 17. september 2007.
- ↑ «Emmys For Dame Helen/The Sopranos - Reality TV | Photos | News | Galleries». Entertainment.uk.msn.com. Arkivert frå originalen 14. juni 2008. Henta 22. april 2018.
- Denne artikkelen bygger på «Emmy-prisen» frå Wikipedia på bokmål, den 22. april 2018.