English Opera Group
English Opera Group var eit lite selskap av britiske musikarar som blei grunnlagt i 1947 av komponisten Benjamin Britten (saman med John Piper, Eric Crozier og Anne Wood) for å presentera operaverka av han sjølv og andre, hovudsakleg britiske, komponistar. Gruppa blei seinare utvida til å presentera større verk, og blei omdøypt til English Music Theatre Company. Selskapet sette opp den siste operaen sin og avslutta drifta i 1980.
| English Opera Group | |||
| Skipa | 1947 | ||
|---|---|---|---|
English Opera Group
endreI slutten av 1945 forlet Britten og fleire andre intrigane ved Sadler's Wells Opera. Komponisten og songarane Joan Cross, Anne Wood og Peter Pears slo seg saman med designeren Piper og produsenten Crozier for å skipa English Opera Group.[1] Målet med det nye selskapet var å setja opp urframføringar av Britten sine operaer, og å presentera andre, hovudsakleg britiske, småskalaoperaer.[2] Det fyrste prosjektet til selskapet var å framføra Britten sin kammeropera Albert Herring og gje framføringar av operaen hans The Rape of Lucretia under ein turné i Storbritannia og på Kontinentet. Det tinga og urframførte òg eit nytt stykke av Lennox Berkeley, eit arrangement av Stabat Mater. Trass store statlege tilskot kunne ikkje gruppa dekka alle kostnadene kring turnéen, og Britten og dei andre leiarane av gruppa bestemte seg for at ho skulle få ein eigen heimescene. Dette var hovudgrunnen til innviinga av Aldeburgh Festival i 1948.[3][4]
Den første operaen tinga av gruppa, The Sleeping Children av Brian Easdale, hadde premiere i 1951.[5] Gruppa gav den nordamerikanske urframføringa av Britten sitt verk The Turn of the Screw ved Stratford Festival i Canada i 1957.[6] I tillegg til andre nye verk av Britten, tinga og produserte gruppa elleve andre nye operaer av britiske komponistar. Ho heldt òg den britiske premieren på Francis Poulenc sin opera Les mamelles de Tirésias i 1958. Gruppa framførte òg eldre operaar, som Acis and Galatea, The Beggar's Opera, Idomeneo, Iolanta, La rondine og Trial by Jury, i tillegg til verk av Henry Purcell og Gustav Holst.[7]
Royal Opera i London tok over leiinga i 1961. I 1971 blei Steuart Bedford utnemnd til musikkdirektør, og Colin Graham blei direktør for produksjonane.[8]
English Music Theatre Company
endreI 1975 blei gruppa utvida så ho kunne produsere større verk, som operettar og musikalar, i tillegg til opera. I tillegg til å vera med på festivalar som Aldeburgh, tok selskapet til å halda regionale turnéar og årlege framføringssongar på Sadler's Wells Theatre i London. Grunnleggaren og leiaren for selskapet var Colin Graham. Ein av produksjonane deira i 1976 var The Threepenny Opera av Kurt Weill, dirigert av ein ung Simon Rattle.[9] Etter ein siste produksjon av A Midsummer Night's Dream av Britten i 1980 blei selskapet oppløyst.[10]
Operaer uframførte av selskapet (av andre enn Britten)
endre
|
|
English Music Theatre Company
endre| Åra | Opera | Komponist |
| 1976 | Tom Jones | Stephen Oliver |
| 1978 | La Cubana | Hans Werner Henze (skriven i 1973) |
| Transformations | Conrad Susa | |
| 1979 | An Actor's Revenge | Minoru Miki |
Kjelder
endre- ↑ Gilbert, p. 107
- ↑ Rosenthal, Harold. English Opera Group in Sadie, vol. 2, p. 52
- ↑ Rosenthal, Harold. English Opera Group in Sadie, vol. 2, p. 52
- ↑ Britten-Pears Foundation. The English Opera Group and English Music Theatre Company archive. Accessed 9 June 2011
- ↑ 'Brian Easdale', Jennifervyvyan.org
- ↑ J. Alan B. Somerset. 1991. The Stratford Festival Story, 1st edition. Greenwood Press. ISBN 978-0-313-27804-4
- ↑ Rosenthal, Harold. English Opera Group in Sadie, vol. 2, p. 52
- ↑ Britten-Pears Foundation. The English Opera Group and English Music Theatre Company archive. Accessed 9 June 2011
- ↑ In the same season the company also presented Paul Bunyan, The Turn of the Screw, Cinderella and La finta giardiniera (under the title of Sandrina's Secret), all conducted by Steuart Bedford. See "London Diary for October", The Musical Times, September 1976, p. 792. (krev abonnement).
- ↑ Britten-Pears Foundation. The English Opera Group and English Music Theatre Company archive. Vitja 9. juni 2011
- Denne artikkelen bygger på «English Opera Group» frå Wikipedia på engelsk, den 26. november 2024.
- Wikipedia på engelsk oppgav desse kjeldene:
- Gilbert, Susie (2009). Opera for Everybody. London: Faber and Faber. ISBN 978-0-571-22493-7.
- Matthews, David (2003). Britten. Haus Publishing. ISBN 1-904341-21-7ISBN 1-904341-21-7
- Sadie, Stanley, red. (1992). The New Grove Dictionary of Opera. Oxford: Oxford University Press. ISBN 978-0-19-522186-2.
- Seymour, Claire (2007). The Operas of Benjamin Britten: Expression and Evasion. Boydell Press. ISBN 1-84383-314-XISBN 1-84383-314-X
- White, Eric Walter (1983). Benjamin Britten, His Life and Operas. University of California Press. ISBN 0-520-04894-6ISBN 0-520-04894-6