Ennerdale Water

Ennerdale Water er den vestlegaste innsjøen i Lake District nasjonalpark i Cumbria, nord i England. Han er ein bresjø og den største djupna er 45 meter. Han er mellom 700 og 1500 meter brei og 3,9 km lang. Han ligg nær hamnebyen Whitehaven, byen Cleator Moor og landsbyen Cleator. Innsjøen er eigd av United Utilities og er både eit reservoar og ein Site of Special Scientific Interest på grunn av habitata langs breidda.

Ennerdale Water
innsjø
Land	Storbritannia
Innsjøtype	naturleg innsjø, reservoar
Tilsig	River Liza
Utløp	River Ehen
Høgd over havet	113 moh.
Lengd	4,17 km
Breidd	1,28 km
Areal	3 km²
Største djupn	45 m
Kystlengd1	10 km
Koordinatar	54°31′12″N 3°22′34″W
Øyar	4
Ennerdale Water 54.52°N 3.3761111111111°W / 54.52; -3.3761111111111
Wikimedia Commons: Ennerdale Water
1 Kystlengd er eit unøyaktig mål som kanskje ikkje er standardisert for denne artikkelen.

Kart over Ennerdale Water frå 1948

Ennerdale Water vert nytta som turiområde, men ikkje i like stor grad som andre innsjøar i Lake District. Den vesle landsbyen Ennerdale Bridge ligg på vestsida av innsjøen.

Geografi

Innsjøen ligg i dalen Ennerdale og er omgjeve av fjell, mellom anna nokre av dei høgaste i heile Cumbria, som Great Gable (899 moh), Green Gable, Brandreth, High Crag, Steeple og Pillar.

Vassnivået i innsjøen vert kontrollert av ein overløpskant.

Ennerdale Water får vatn frå River Liza og andre elvar, og renn ut via elva Ehen, som munnar ut i Irskesjøen.

Etymologi

Dalen Ennerdale er kalla opp etter elva Ehen, som renn ut av dalen. Innsjøen i Ennerdale har fleire stader og på gamle kart hatt andre namn, som Brodewater (1576), Brodwater (1695), Broad Water (1760), Ennerdale Water (1784) og til slutt Ennerdale Lake i Otley si guidebok frå (1823).

Bakgrunnsstoff

• Buttermere og Ennerdale på National Trust.
• Wild Ennerdale

Kjelder

• Denne artikkelen bygger på «Ennerdale Water» frå Wikipedia på engelsk, den 30. mars 2010.