Erben Wennemars

Egbert Rolf Wennemars (fødd 1. november 1975), kjend som Erben Wennemars, er ein nederlandsk tidlegare skeiseløpar frå Dalfsen. Han vart sprintverdsmeister i 2004 og 2005.

Erben Wennemars
Statsborgarskap	Kongeriket Nederlanda
Fødd	1. november 1975 (49 år) Dalfsen
Idrett	lengdeløp på skeiser
Tok del i	Vinter-OL 1998, Vinter-OL 2002, Hurtigløp på skøyter under Vinter-OL 2006 – 1000 meter herrer, Hurtigløp på skøyter under Vinter-OL 2006 – Lagtempo herrer
Utmerkingar	Majoor Bosshardt Prize, Honorary Medal of the City of Zwolle

Wennemars kom på tredjeplass i sprint-VM 1998 i Berlin, ei plassering han kopierte i sprint-verdsmeisterskapen 2003 i Calgary. Same sesongen var han tilbake i Berlin ved VM i enkeltløp, der han vann både 1000 m og 1500 m.

Under sprint-VM 2004 i Nagano imponerte Wennemars med to sterke 1000-meterar, noko som gav han VM-gullet framfor kanadiarane Jeremy Wotherspoon og Mike Ireland. Han forsvarte VM-tittelen i Salt Lake City i 2005, også då var Wotherspoon hans sterkaste konkurrent. Frå Vinter-OL 2006 i Torino reiste Wennermars heim med to bronsemedaljar, fyrst fekk han ein "gratismedalje" i lagtempoen, før han vart tredjemann på 1000 meter.

I 2007 deltok Wennemars i firkamp-VM, og på heimebane i Heerenveen enda han på femteplassen. Over ein tiårsperiode, 1999-2008, vann Wennemars elleve 11 medaljar (6-2-3) i ulike VM i enkeltløp.

Kjelder

• Denne artikkelen bygger på «Erben Wennemars» frå Wikipedia på nederlandsk, den 30. november 2016.

Bakgrunnsstoff

• «Erben Wennemars». olympedia.org. Henta 23. januar 2023.