Espen Agdestein
Espen Agdestein (fødd 7. februar 1965) er ein norsk sjakkspelar, mest kjend som manager for den noverande verdsmeisteren i sjakk Magnus Carlsen.
| Espen Agdestein | |
 | |
| Statsborgarskap | Noreg |
| Fødd | 7. februar 1965 (59 år) |
| Yrke | sjakkspelar, talent manager, idrettsagent |
Espen Agdestein grunnla magasinet Art of Taste i 2001, som han seinare selde til Hjemmet Mortensen i 2006. Han arbeidde som direktør i Hjemmet Mortensen i åra 2006-2009. Han slutta i jobben i 2009 for å arbeide som manager for Magnus Carlsen, som då berre var 18 år.[1] I eit intervju med Stavanger Aftenblad sa Espen Agdestein at jobben som manager for Magnus Carlsen viste seg å bli meir hektisk enn han hadde venta.[2]
Espen Agdestein er deleigar og sit i styret for Magnus Carlsen sitt selskap Play Magnus,[3] der Anders Brandt er styreleiar og Kate Murphy er dagleg leiar.[4] Espen har sagt at "Play Magnus er Magnus Carlsen sitt verkty for å bringe sjakk til verda".[5]
Espen Agdestein er sjølv ein sterk sjakkspelar, FIDE-meister i sjakk, med ein høgaste FIDE-rating på 2403 i 2004-2005, og noverande FIDE-rating på 2372.[6] Espen Agdestein deltok på det norske laget i sjakk-OL (lag-VM i sjakk) i 1984 og 1994, begge gongar som 2. reserve. Han tok 3 av 7 i 1994, +1 =4 -2, men gjorde det svært bra i 1994 med 6,5 av 9, +4 =5.[7] Dette siste resultatet var også eit IM-napp.[8] Espen Agdestein har spelt lite sjakk dei siste 15-20 åra, mest lagkampar for Oslo Schakselskap. Han har ikkje spelt rata parti etter 2012.
Espen Agdestein er bror til stormeister i sjakk Simen Agdestein.
Kjelder
endre- Denne artikkelen bygger på «Espen Agdestein» frå Wikipedia på engelsk, den 3. desember 2016.
- Fotnotar
- ↑ «Sluttet som direktør, satset på 18-åring». Nettavisen. Henta 18. november 2015.
- ↑ «- Jeg trodde det skulle bli behagelig, men jeg har aldri hatt det så hektisk før». Aftenbladet. Arkivert frå originalen 4. mars 2016. Henta 5. november 2015.
- ↑ «Marketing the ‘Mozart of Chess’ | Smith Magazine». smith.queensu.ca. Arkivert frå originalen 5. mars 2016. Henta 24. februar 2016.
- ↑ «Nøkkelopplysninger fra Enhetsregisteret - Brønnøysundregistrene». w2.brreg.no. Henta 27. november 2015.
- ↑ «- Carlsens sjakk-app verdt 130 millioner». Dagbladet.no. Henta 4. mars 2016.
- ↑ Espen Agdestein si spelarside hos FIDE
- ↑ Olimpbase om Espen Agdestein i sjakk-OL
- ↑ Henta frå FIDE si liste over IM-resultat