Esther

Ester og Esther er kvinnenamn av hebraisk gjennom persisk opphav. Det er avleidd frå det hebraiske ordet sitareh, 'stjerne'. Namnet er også blitt knytt til gudinna Ishtar. Ester har namnedag den 24. mai.

Ester har ulike former i mange språk, til dømes irsk Eistir, russisk Esfir/Jesfir, fransk Estée, polsk Estera, finsk Esteri, ungarsk Eszter og engelsk Hester. Det har kortformer som engelske Essie, Esta, Etty og Hettie, og ungarske Eszti.

Namnet er særleg knytt til den bibelske dronning Ester, som har ein viktig plass i jødisk tradisjon, og er eit utbreidd jødisk namn. Det har hovudsakleg blitt brukt blant kristne sidan reformasjonen.

I USA blei namnet populært etter presidenten Grover Cleveland fekk dottera Esther i 1893.

Namneberarar

Ester Horn (1902-1993), norsk humanetikar
Ester Ringnér-Lundgren (1907-1993), svensk barnebokforfattar
Estée Lauder (1908–2004), opphavleg Josephine Esther Mentzer, USA-amerikansk forretningskvinne
Ester Boserup (1910–1999), dansk økonom
Esther-Marie Wiig (1913-2007), norsk journalist
Esther Williams (f. 1921), USA-amerikansk skodespelar
Esther Brand (f. 1924), sørafrikansk høgdehoppar
Esther Marie Kostøl (f. 1936), norsk fagforeningsleiar og politikar
Esther Ofarim (f. 1941), israelsk songar
Esben Esther Pirelli Benestad (f. 1949), norsk transvestitt
Esther Reiss (f. 1954), norsk regissør og dramaturg
Esther Mujawayo (f. 1958), rwandisk forfattar
Esther Maria Bjørneboe (f. 1971), norsk kunstnar
Ester Workel (f. 1975), nederlandsk roar
Ester Stølen (f. 1975), norsk skøyteløpar
Esther Cremer (f. 1988), tysk sprintar

Kjelder

behindthename
«Ester – kvinnenavn» i Store norske leksikon, snl.no.