Eyðgunn Samuelsen
Eyðgunn Jana Samuelsen (fødd 23. mai 1959 i Sørvágur) er ein færøysk lærar og sosialdemokratisk politikar som representerer partiet Javnaðarflokkurin.
| Eyðgunn Samuelsen | |||
 | |||
| Fødd | Eyðgunn Jana Henriksen 23. mai 1959 (64 år) Sørvágur | ||
|---|---|---|---|
| Statsborgar av | Færøyane | ||
| Parti | Javnaðarflokkurin | ||
| Yrke | lærar, politikar | ||
| Verv | Sosialminister på Færøyane 15. september 2015–16. september 2019 | ||
| Føregangar | Annika Olsen | ||
| Etterfylgjar | Elsebeth Mercedis Gunnleygsdóttur | ||
| Verv | Lagtingsmedlem 8. desember 2022– | ||
| Verv | 4. februar 2008–31. august 2019 | ||
| Alle verv |
| ||
Bakgrunn endre
Samuelsen er dotter av Anton og Ann Henriksen i Sørvágur. Ho gjekk realskulen i Sørvágur og tok høgare førebuande eksamen (HF) ved Føroya Studentaskúli og HF-skeið i Tórshavn i 1978. Samuelsen er utdanna cand.mag. i statsvitskap og historie frå Roskilde Universitetscenter frå 1992. Ho har vore tilsett som lærar ved den tekniske skulen i Klaksvík sidan 1987, unntatt perioden 2000–2003, då ho var avdelingsleiar for vidaregåande opplæring i Kulturdepartementet. Ho er gift med Jóan Hendrik Svabo Samuelsen, som har vore direktør i den færøyske sosialforsorga.[1]
Politisk karriere endre
Som ung hadde Samuelsen styreverv i ungdomslaget i Sørvágur og dei færøyske studentorganisasjonane. Ho melde seg inn i Javnaðarflokkurin i 1988. Ho var styremedlem ved sjukehuset i Klaksvík 1990–1992 og medlem av den færøyske likningsnemnda 1992–1996. I 1997 blei ho vald inn i kommunestyret i Klaksvík.[1]
Samuelsen har vore innvald på Lagtinget sidan 2011, etter å ha møtt fast for minister Helena Dam á Neystabø 2008–2011. Ho har heile tida vore medlem av Lagtingets finanskomité. Ho var formann i den sosialdemokratiske lagtingsgruppa frå 2011[2] til ho blei utnemnd til sosialminister i regjeringa til Aksel V. Johannesen i 2015.[3] Samuelsen gjekk av saman med resten av regjeringa etter valet i 2019. Jónleif Johannesen møtte i hennar stad på Lagtinget så lenge ho var medlem av regjeringa. Ved lagtingsvalet i 2019 mista Javnaðarflokkurin eitt mandat, og Samuelsen blei 1. vara til Lagtinget.
Kjelder endre
- ↑ 1,0 1,1 «Um meg» (på færøysk). Eyðgunn Samuelsens nettsted. Arkivert frå originalen 12. november 2014.
- ↑ «Eyðgunn Samuelsen forkvinna í tingbólkinum» (på færøysk). portal.fo. 24. februar 2011. Henta 24. april 2011.[daud lenkje]
- ↑ «Eyðgunn Samuelsen» (på færøysk). Løgtingið. Arkivert frå originalen 9. august 2011.
- Denne artikkelen bygger på «Eyðgunn Samuelsen» frå Wikipedia på bokmål, den 28. mars 2024.