Fahrenheit
| Omrekning frå | til | formel |
|---|---|---|
| celsius | fahrenheit | °F = (°C · 9/5) + 32 |
| fahrenheit | celsius | °C = (°F − 32) · 5/9 |
| celsius | kelvin | K = °C + 273,15 |
| kelvin | celsius | °C = K − 273,15 |
| fahrenheit | kelvin | K = (°F + 460) · 5/9 |
| kelvin | fahrenheit | °F = (K · 9/5) − 460 |
| Fleire formlar for temperaturomrekning | ||
Fahrenheit er ein temperaturskala som har namnet sitt etter den tyske fysikaren Gabriel Fahrenheit (1686–1736), som kom med framlegg om skalaen i 1724.
I denne skalaen er frysepunktet for vatn 32 grader (dette skriv ein slik: «32 °F») og kokepunktet 212 grader Fahrenheit. Dermed vert det 180 grader mellom koke- og smeltepunktet for vatn. Altså er ei grad Fahrenheit 5/9 av ein kelvin (ei grad kelvin tilsvarar ei grad Celsius.), og -40 grader Fahrenheit er lik minus -40 grader Celsius.
Bruk endre
| Fahrenheit | Lufttemperatur |
|---|---|
| 10-20 | Djup frost. |
| 20-30 | Lett frost. |
| 30-40 | Veldig kaldt. Nær frysepunktet. |
| 40-50 | Kaldt. Ein treng tjukke klede. |
| 50-60 | Veldig kjølig. Vanlege klede. |
| 60-70 | Kjølig. Lette klede. |
| 70-80 | Komfortabelt. Sommarklede. |
| 80-90 | Varmt. Til å halde ut. Minimalt med klede. |
| 90-100 | Heitt. |
| 100 og oppover | Svært heitt. Ein må vere forsiktig så ein ikkje vert for heit. |
Innan den engelsktalande verda var fahrenheitskalaen den mest brukte måten å måla temperatur på innan meteorologi, industri og medisin fram til 1960-talet. Mot slutten av tiåret og på 1970-talet vart Celsius (på engelsk òg kjent som centigrade) gradvis innført som del av ei standardisering mot det metriske systemet. Trass i dette er Fahrenheit framleis eininga i dagleg bruk til ikkje-vitskaplege føremål.
Tilhengarar av systemet meiner dette er fordi skalaen er lett å forstå og bruka. Dei mindre einingane (5/9 av ei Celsius-grad) gjer at ein sjeldan treng dela dei opp og i staden kan bruka heile tal. I folkemedisinen er det lett å hugsa at ein feber på over 100 Fahrenheit treng medisinsk tilsyn. I tillegg er lufttemperaturen i dei delane av verda der folk bur som regel mellom 0 °F og 100 °F som er lett å dela inn i band på 10 grader. På den andre sida er det òg lett for dei som er vane til det å forhalda seg til Celsius-skalaen på same måten.
Anna endre
Antenningspunktet til papir er 451 °F (233 °C). Det er dette tittelen på boka av den amerikanske forfattaren Ray Bradbury, Fahrenheit 451 kjem frå.