Fall Dog Bombs the Moon
| Fall Dog Bombs the Moon Song av David Bowie frå albumet Reality | ||
| Innspelt | 2003 | |
| Sjanger | Alternativ rock | |
| Lengd | 4:04 | |
| Låtskrivar(ar) | David Bowie | |
|---|---|---|
| Produsent | David Bowie, Tony Visconti | |
«Fall Dog Bombs the Moon» er ein song skriven av David Bowie i 2003 for albumet Reality. I følgje Bowie sjølv då albumet kom ut «kom songen frå ein artikkel eg las om Kellogg Brown & Root, ei underavdeling av Halliburton, selskapet som Dick Cheney brukte å styre. I hovudsak fekk Kellogg Brown & Root jobben med å rydde opp i Irak. Det som pleier å skje er at ting som eit problem eller ein politikk manifesterer seg som ei rettleiing. Det blir ein karakter av noko slag, som han i Fall Dog. Det er denne fyren som seier: 'Eg er forbanna rik'. Du veit, 'Kast alt du liker på meg, baby, for eg er forbanna rik. Det plagar meg ikkje.'.»[1]
Biografen Nicholas Pegg skreiv si tolking av songen: «Nøkkelen ved dette høvet er den fryktelege situasjonen i global politikk då Reality vart spelt inn. Albumet vart spelt inn under opptakten til og starten på Irak-krigen, og det er umogleg å høyra tekstar som 'I don't care much, I'll win anyway.../I'm goddamn rich, an exploding man/When I talk in the night, there's oil on my hands' uten å tenke på den mest openberre resonansen til desse linjene. Det ville ikkje vore særskild ekstravagant å rekne at «Månen» i tittelen syner til den islamske halvmånen, og dermed er kandidatane til «Fall Dog» ganske tydelege.»[1]
«Fall Dog Bombs the Moon» er basert på korte melodiske motiv, slik det verka å vere på det føregåande albumet, Heathen.[2]
Eit konsertopptak av songen, spelt inn i november 2003 under Reality-turneen, kom ut på albumet A Reality Tour som vart gjeve ut i 2010.
Kjelder endre
- Denne artikkelen bygger på «Fall Dog Bombs the Moon» frå Wikipedia på engelsk, den 21. september 2021.
- Wikipedia på engelsk oppgav desse kjeldene:
- ↑ 1,0 1,1 Nicholas Pegg, The complete David Bowie, Reynolds & Hearn, 2006, p. 72.
- ↑ James E. Perone, The Words and Music of David Bowie, Greenwood Publishing Group, 2007, s. 140.