Fantasi og fuge i c-moll, BWV 537

Fantasi og fuge i c-moll, BWV 537 er eit stykke for orgel skriven av Johann Sebastian Bach. Det vart komponert medan han budde i Weimar.

Fantasi og fuge i C-moll

BWV 537 Fuge av Johann Sebastian Bach
Sjanger	Orgel
Periode	Barokken
Komponert	etter 1723
Publiseringsdato	1867
Typisk lengd	08:54
Satsar/akter	2
Toneart	c-moll
Instrumentering	orgel

Historie

Gjennom livet sitt hadde Bach to tenesteperiodar i den vesle byen Weimar i dagens Tyskland. Byen hadde då kring 5000 innbyggjarar, men det var ein sterk kulturell tradisjon i byen. Her vart han tilsett i 1709 av hertugen i Weimar, Wilhelm Erst, som organist og medlem i hofforkesteret. Han vart særleg oppfordra til å nytte det unike talentet sitt på orgel. Og det var nettopp i denne perioden at han komponerte mange av dei største orgelverka sine, som Toccata og fuge i D-moll, BWV 565 og Preludium og fuge i E-dur, BWV 566. I denne perioden hans i Weimar vart han kjend som organist og han fekk besøk av studentar som kom får lære av teknikkane hans. Hans Fantasi og fuge i C-moll vart komponert den siste halvdelen av tenestetida hans i Weimar, men ein er ikkje sikker på kva år det var, truleg kring 1723, då Bach var Kappelmeister i Köthen etter den politiske uroa som oppstod i Weimar i 1717.

Analyse

Den samla lengda til fantasi i musikk og fugen er om lag åtte minuttar, og han er skriven i 6/4-takt. Fantasien i stykket er ganske svulstig og særs utsmykka, og består av to ulike halvdelar som begge er basert på den same musikalske ideen. Eit interessant trekk med fantasien er at han i motsetnad til mange fantasiar på denne tida ikkje har ein kadens-liknande passasje, der musikaren kan vise fram virtuositeten sin. Fugen nyttar eit stødig tema fire gonger på rad og som er lett gjenkjenneleg kvar gong det dukkar opp på ny. Den totale lengda til fugen er 130 kontrapunktiske taktstrekar.

Sjå òg

• Orgelverk av Johann Sebastian Bach

Kjelder

• Denne artikkelen bygger på «Fantasia and Fugue in C minor, BWV 537» frå Wikipedia på engelsk, den 23. april 2010.
  • Wikipedia på engelsk oppgav desse kjeldene: