Farsund
Farsund er ein by og administrasjonssenteret i Farsund kommune i Agder fylke. Tettstaden ligg på vestsida av sundet som fører inn til Lyngdalsfjorden, og på øyane i sundet: Engøy, Farøy og Gåseholmen, alle med brusamband. Namnet på tettstaden kjem frå sundet mellom Farøy og Spindsodden.[1] Farsund har 3 472 innbyggjarar per 1. januar 2023.
| Farsund | |||
| stad | |||
 | |||
| Land |  Noreg
| ||
|---|---|---|---|
| Fylke | Agder | ||
| Kommune | Farsund | ||
| Areal | 3,05 km² | ||
| Folketal | 3 472 (2023) | ||
| Folketettleik | 1 138 / km² | ||
| Postnummer | 4550 FARSUND | ||
| Innbyggjarnamn | farsundar | ||
| Preposisjon | i Farsund | ||
 Farsund 58°05′41″N 6°48′17″E / 58.09479°N 6.80468°E | |||
| Wikimedia Commons: Farsund (town) | |||
Farsund voks fram ved skipsleia langs Farøya lengst nord på Listalandet, og vart ein veksande handelsstad med kjøpstadsrett frå 1849. Byen er sterkt prega av Lund-slekta, som og har æra for å ha grunnlagt han. Mange av dei mest kjende bysborna frå Farsund er knytt til denne familien, mellom dei Eilert Sundt.
Mot slutten av 1700-talet voks Farsund fram som ein handels- og sjøfartsby som var godt kjend ute i resten av verda. Mykje av æra for Farsunds framgang på den tida hadde Jochum Brinch Lund. Lund vert rekna som grunnleggjaren av Farsund. Lund budde i bygget der Nordea Bank i dag held til. Dei fire trea han hadde i hagen finn ein att i byvåpenet.
Farsund er framleis rekna som sjøfartsby, og fleire reiarlag er etablert her. Farsund er eit viktig handels- og servicesenter, og her kjem Farsunds Avis ut. I sentrum står Frelserens kirke, ei langkyrkje i stein frå 1785.[2]
Kjelder
endre- ↑ «Farsund – tettstedet». Store norske leksikon. 4. august 2015. Henta 20. januar 2018.
- ↑ «Farsund». Store norske leksikon. 2. november 2017. Henta 20. januar 2018.
Bakgrunnsstoff
endre- Om Farsund Arkivert 2018-01-21 ved Wayback Machine. – Informasjon frå Farsund kommune
- Farsund og Lista - visitnorway.no – Turistinformasjon om Farsund