Fiolinkonsert i a-moll av Bach

Fiolinkonsert i a-moll, BWV 1041, vart komponert av Johann Sebastian Bach i 1748.

Fiolinkonsert i a-moll

BWV 1041 Solokonsert av Johann Sebastian Bach
Sjanger	Solokonsert
Periode	Barokken
Komponert	1717-1723 i Köthen?
Publiseringsdato	1852 i Leipzig
Typisk lengd	14:33
Satsar/akter	3
Toneart	a-moll
Instrumentering	fiolin

Dei første tolv taktane av den tredje satsen

Hoffet til den unge prins Leopold ved Köthen vart det nest siste steget i den profesjonelle karrieren til Bach frå organist ved Arnstadt i 1703, til kantor ved Leipzig, frå 1723 til han døydde. Han hadde vore Konzertmeister ved Weimar (1708-1717) før han vart tilsett som Kapellmeister i Köthen, der han var i seks år. Her skreiv han mykje instrumental musikk (og lite kyrkjemusikk), men det meste av dette har gått tapt. Av dei som finst att er Brandenburgkonsertane og tre andre konsertar for solofiolin, mellom anna konserten i a-moll.

Struktur og analyse

Stykket har tre satsar:

1. Allegro moderato
2. Andante — med eit tema i ostinatostil.
3. Allegro assai

Motiva i temaet i Allegro moderato dukkar opp i forskjellige kombinasjonar og er fråskilde og intensivert gjennom satsen.

I Andante nyttar Bach eit pågåande mønster i bassdelen som vert gjenteke heile vegen i satsen. Han fokuserer på variasjon i dei harmoniske forholda.

I den siste satsen støttar Bach seg til bariolage-figurar for å skape slåande akustiske effektar.

Transkripsjon

Klaverkonsert i g-moll, BWV 1058, er eit arrangement av denne konserten for piano eller cembalo.

Kjelder

• Denne artikkelen bygger på «Fiolinkonsert i a-moll av Bach» frå Wikipedia på engelsk, den 27. april 2010.
  • Wikipedia på engelsk oppgav desse kjeldene:

Bakgrunnsstoff

• Fiolinkonsert i a-moll: Fritt tilgjengelege notar på International Music Score Library Project.