Frank Strandli
Frank Strandli (fødd 16. mai 1972) er ein norsk tidlegare fotballspelar frå Kristiansand. Han var angrepsspelar for mellom andre IK Start, SK Brann og Lillestrøm SK. Elles aktiv i England, Hellas og Danmark. Perioden 1992–99 aksla han den norske landslagstrøya 24 gongar.
| Frank Strandli | |
| Statsborgarskap | Noreg |
| Fødd | 16. mai 1972 (51 år) Kristiansand kommune |
| Idrett | fotball |
Karriere endre
Klubbspel endre
Strandli debuterte for Start i 1989. I januar 1993 vart han overført til Leeds United. Etter eit mislukka opphald i England var han frå våren 1994 Brann-spelar. To år seinare byrja han spele for Lillestrøm SK. Hausten 1997 skreiv han kontrakt med Panathinaikos, samstundes byrja Erik Mykland å spele for den greske klubben. Våren 1999 vart Strandli Aalborg-spelar, saman med Ståle Solbakken vart han seriemeister med klubben i juni 1999. Strandli vart alvorleg skadd, men kom kortvarig tilbake i 2001 før han måtte legge opp.
Landslagsspel endre
Strandli deltok i 24 av Noregs landskampar i tida frå 7. januar 1992 til 22. januar 1999. I 1996 og 97 kom han, som den einaste, på bana i samtlege 8 kvalifiseringskampane til VM i fotball 1998. 25. februar 1998 skåra han sitt tredje og siste landskampmål då Noreg og Frankrike spelte uavgjort 3–3 i Marseille. Strandli kom likevel ikkje med i troppa til verdsmeisterskapen.
Merittar endre
- Dansk seriemeister: 1999 for Aalborg BK
- Tapande cupfinalist: 1995 for SK Brann
Kjelder endre
- Frank Strandli ved eu-football