Futsal

Futsal, òg kalla microfutbol, er ein variant av lagidretten fotball. Spelet går føre seg på ei bane med hard overflate, vanlegvis innandørs. Bana er på storleik med ei handballbane, altså mykje mindre enn ei vanleg fotballbane, og måla er vanlege handballmål. Ballen svarar til ein vanleg 4-ball, men er laga spesielt for denne sporten for mellom anna å sprette mindre enn ein vanleg fotball. Kvart av dei to laga har fem spelarar, inklusive målvakta. Spelereglane skil seg òg frå dei som gjeld i vanleg fotball.

Futsalkamp mellom Argentina og Brasil i 2007

Nemninga futsal er danna av spansk fútbol de salón, og vert nytta internasjonalt. Spelet oppstod i Uruguay som eit turneringsspel, og vart utvikla vidare i Brasil, særleg i São Paulo.

Bakgrunnsstoff

• Utstyr og reglement, Futsalforbundet Arkivert 2018-08-26 ved Wayback Machine.