Fylkesveg 5602

Fylkesveg 5602
Inn mot Vangsnes austfrå
Strekning
Vangsnes – Fresvik brygge, Vik
Informasjon
Lengd	35,9 km
Status Fylke	fylkesveg Vestland
Tilstøytande vegar
Fv5603

Fylkesveg 5602 går mellom Vangsnes og Fresvik i Vik kommune. Vegen er 35,9 km lang, inkludert armar til Åfedt, Grindedal og Tretteteig.

I 2019 vart det gjort endringar i fylkesvegnettet, og traséen til Fylkesveg 5602 står av fylgjande gamle fylkesvegar:

Alle nemnde gamle vegnummer har nemninga i Sogn og Fjordane.

Gamalt vegnummer	Strekkje	Veglengd
Fylkesveg 180	Vangsnes - Fresvik	25,2 km
Fylkesveg 181	Osen (Feios) - Åfedt	3,4 km
Fylkesveg 181	Feios - Grindedal	4 km
Fylkesveg 184	Øyri (Fresvik) - Stokkebrua	2,3 km
Fylkesveg 183	Stokkebrua - Tretteteig	1 km

• Fylkesveg 180 vart til i 2016 då gamle fylkesveg - og tidlegare riksveg 602 mellom Vangsnes og Feios blei slått saman med gamle fylkesveg 182 mellom Feios og Fresvik.
• Fylkesveg 183 arm mellom Stokkebrua og Tretteteig. Resten av Fv 183 er nå kjent som Fylkesveg 5603.

Historikk

Dåverande Riksveg 602 vart påbyrja i 1959 frå Vangsnes, men arbeidet stoppa opp i Risjuvet etter eit par kilometer. Arbeidet starta ikkje oppatt før i 1968, og vegen vart ferdig til Feios i 1971. Frå Feios var gamle Fylkesveg 181 i Sogn og Fjordane allereie bygd frå Osen og innover begge sidene av Feiosdalen til Åfedt og Grindedal, og i tillegg til veg austover til Borlaug.

På denne tida høyrde Vangsnes, Freios og Fresvik til Leikanger kommune, og difor ynskte dei fleste i Fresvik veg langs fjorden til Feios for å kunna krysse fjorden mellom Vangsnes og Hella. Vegvesenet føretrakk eit billegare alternativ med kortare byggetid over Fresvikåsen til Simlenes og ny ferjekai med anløp for sambandet Kaupanger-Gudvangen. Ein av grunnane til dette er at vegutløysing med riksveg kravde at det budde minst 750 personar på staden, og i Fresvik hadde berre 300 innbyggjarar. Folket i Fresvik fekk i 1971 medhald frå fylkesutvalet i at vegutløysing mot Feios var det beste alternativet, og difor vart vegen opna i 1976 som Fylkesveg 182 i Sogn og Fjordane.

Kommunar og knutepunkt

Feios kyrkje ved fylkesveg 5602 i Feios.

Vik

• Vangsnes

Vangsnesvegen
Feiosvegen

• Feiostunnelen (772 m)
• Osen
  • Arm Åfetvegen til Åfedt
• Feios
  • Arm Lundsvegen til Grindedal
• Feios kyrkje
• Ramnabergtunnelen (1496 m)

Fresvikvegen

• Yste Jarvetunnelen (82 m)
• Trettetungenetunnelen (341 m)
• Øyri
  • Arm Hovsvegen til Tretteteig
  • Fv5603 Stokkebrua
  • Storevegen
  • Endepunkt Tretteteig
• Fv5603 Fresvik → Storevegen til Fletene, Stokkebrua og Krossveghola
• Fresvik kyrkje
• Endepunkt Fresvik brygge

Bakgrunnsstoff

• Statens vegvesen – trafikkmeldingar Fv5602
• Statens vegvesen – trafikkmeldingar

• Kristin Ese: «Vegutløysing for Fresvik» på nettstaden til Fylkesarkivet i Vestland