Géo Voumard

Géo Voumard (fødd 2. desember 1920 i Biel, død 3. september 2008) var ein sveitsisk jazzpianist og komponist.

Géo Voumard
Fødd	2. desember 1920
Fødestad	Biel/Bienne
Død	3. september 2008 (87 år)
Dødsstad	Sion i Sveits
Fødenamn	Georges André Voumard
Opphav	Sveits
Sjanger	jazz, hard bop
Instrument	piano
Verka som	journalist, pianist, låtskrivar, arrangør, komponist, jazzmusikar

Eurovision Song Contest

Lugano 1956

Saman med Émile Gardaz skreiv han eit av dei to sveitsiske bidraga i Eurovision Song Contest 1956 i Lugano, «Refrain». Songen heit opphavleg «Refrains» og vart framført av Lys Assia og Quinteta Radiosa i Concours Eurovision 1956, den sveitsiske uttakinga. Bidraget vart berre framført av Lys Assia i den fyrste utgåva av Eurovision Song Contest, og før tevlinga endra ein tittelen på «Refrains» til «Refrain». Bidraget vart utropt som vinnar, men det er ukjend kor mange røyster bidraget fekk.

Frankfurt am Main 1957

I 1957 skreiv han òg det sveitsiske bidraget saman med Émile Gardaz. Songen, som heit «L'enfant que j'étais», vart framført av Lys Assia i Concours Eurovision 1957, den sveitsiske uttakinga til Eurovision Song Contest 1957. Bidraget enda på åttandeplass av totalt ti bidrag med fem poeng: to frå Danmark og eitt frå Luxembourg, Italia og Vest-Tyskland.

Kjelder

• Denne artikkelen bygger på «Géo Voumard» frå Wikipedia på engelsk, den 30. april 2012.
• Denne artikkelen bygger på «Eurovision Song Contest 1957» frå Wikipedia på engelsk, den 30. april 2012.