Gaustad

Gaustad er eit strøk i bydel Nordre Aker i Oslo. Her bur det 1 115 menneske per 2009.

Plassering

Strøket er avgrensa av Sognsvannsbekken i vest, Ring 3 i sør, John Brandts veg og ei rett linje sørover for denne vegen i aust og Nordmarka i nord.

Dermed ligg strøka Ris i vest, Vinderen i sørvest, Gaustadbekkdalen i sør, og Sogn i aust.

Gaustad stasjon ligg eigentleg på Vinderen ettersom han er sør for ringvegen.

Busetnad

Gaustad har både sjukehusa Rikshospitalet og Gaustad sjukehus, og dessutan bustadsområde som ligg heilt inntil Nordmarka, oppunder Vettakollen og Sognsvatn. Gaustad har gatenamn som Sognsvannsveien, Gaustadalléen og Gaustadvegen.

Referansar

• Denne artikkelen byggjer på «Gaustad» frå Wikipedia på bokmål, den 3. jan 2020.