Georg Wasmuth
Georg Ulrik Wasmuth (19. mars 1788–16. oktober 1814)[1] var ein norsk offiser og eidsvollsmann.
| Georg Wasmuth | |
 Georg Ulrich Wasmuth av Ragna Hennig-Larsen Måleriet tilhøyrer Eidsvoll 1814. Frå DigitaltMuseum | |
| Fødd | 19. mars 1788 |
| Død |
16. oktober 1814 (26 år) |
| Yrke | politikar, offiser |
| Georg Wasmuth på Commons | |
Wasmuth var fødd i Kristiansund, der faren var kjøpmann. Han vart offiser i 1805, steig til kaptein i Første Trondhjemske Infanteri-Regiment i 1811.[1] Etter å ha kjempa mot svenskane i felttoget i Jemtland i 1808 fekk han Dannebrogordenens hæderstegn.
I 1814 vart han vald til å representere regimentet under riksforsamlinga på Eidsvoll, som 1. utsending.[2] Han slutta seg til Sjølvstendepartiet.[3]
I 1814 budde han på lensmannsgarden Øvre på Ytterøya i Levanger.[4]Han døydde her allereie hausten 1814, 26 år gamal. På seinsommaren hadde han vore med i kampane både i Trøndelag og ved Glomma, og han kan ha døydd av skadar.[4]
17. mai 1914 vart ein minnestein over Wasmuth avduka på kyrkjegarden på Ytterøya.[4]
KjelderEndra
- ↑ 1,0 1,1 Lindstøl, Tallak (1857-1925) (1914). «Vasmuth, Georg Ulrik». Stortinget og statsraadet: samt tillæg. D. 2 : Biografier L-Ø. Kristiania: Steen'ske bogtrykkeri. s. 922.
- ↑ Biografisk informasjon om Georg Wasmuth NSD Norsk senter for forskningsdatas politikararkiv
- ↑ «Georg Ulrich Wasmuth (1788-1814)». Eidsvoll 1814. Henta 12. mars 2015.
- ↑ 4,0 4,1 4,2 Kolbein Dahle (2014). «Georg Ulrik Wasmuth og garden Øvre på Ytterøya i Levanger». I Jørn Holme. De kom fra alle kanter - Eidsvollsmennene og deres hus. Cappelen Damm. s. 476-478. ISBN 978-82-02-44564-5.