George Bellows
George Wesley Bellows (12. august 1882–8. januar 1925) var ein USA-amerikansk målar og grafikar. Dei kraftfulle og realistiske bileta hans, ofte frå idrettstevlingar; til dømes boksescena Dempsey and Firpo frå 1924, skildrar i sterke fargar dei første tiåra av det 19. hundreåret i USA.
| George Bellows | |
 | |
| Statsborgarskap | USA |
| Fødd | 12. august 1882 Columbus i Ohio |
| Død |
8. januar 1925 (42 år) |
| Yrke | kunstmålar, universitetslærar, litograf, teiknar, lærar, grafikar |
| Språk | engelsk |
| Medlem av | American Academy of Arts and Letters |
| Ektefelle | Emma S. Bellows |
| George Bellows på Commons | |
Liv og gjerning
endre
Bellows var fødd og voks opp i Columbus i Ohio. Åra 1901–04 studerte han ved Ohio State University. I si tid som student var han med på universitetslaga i baseball og basketball, og laga illustrasjonar til Makio, årboka til universitetet. År 1904 flytta han til New York City for å studere kunst.
Han fekk undervisning av Robert Henri ved New York School of Art og slutta seg til gruppa The Eight og til Ashcan School. I 1906 leigde Bellows eit atelier på Broadway i New York.
Bellows vart lagt til merke i 1908, då han i lag med nokre andre av Henris elevar stilte ut ei rad med bymotiv. Mange kunstkritikarar såg på måleria som stygge, medan andre fann dei forfriskande djerve og opplevde dei som vidareføring, men eit steg lengre, av verka til læremeisteren deira.
Bymotiva frå New York skildra dei harde levekåra til arbeidarklassen, men var også ei satire vend mot overklassa. Frå 1907 til 1915 laga Bellows ein serie måleri som synte New York i snøver, som samstundes var eit eksperiment der han utvikla si sterke kjensle for lys og strukturar.
Bellows seinare verk konsentrerte seg meir om familielivet, der kona hans og døtrene deira var favorittmodellar. Desse måleria viste ei auka programmatisk og teoretisk tilnærming til farge og form og var eit markant steg bort frå det kraftfulle i dei tidlegare verka hans.
Bellows døydde vinteren 1925 i New York av bukhinnebetennelse etter vanskjøtsel av sprokken blindtarm. Han er gravlagd på Green-Wood Cemetery i Brooklyn.
Kjelder
endre- Denne artikkelen bygger på «George Bellows» frå Wikipedia på svensk, den 31. oktober 2012.