Georges de La Tour

Georges de La Tour (14. mars 1593–30. januar 1652) var ein fransk målar under barokken, som var lenge gløymd.

Georges de La Tour
Statsborgarskap	Hertugdømet Lorraine
Fødd	13. mars 1593 Vic-sur-Seille
Død	30. januar 1652 (58 år) Lunéville
Yrke	kunstmålar, bygningstegner
Sjanger	Caravaggisti, sjangermåleri, religiøst maleri
Georges de La Tour på Commons

Spel i nattemørker

Falskspel med ruteress, 1635

Liv og gjerning

La Tour var son til ein bakarmeister i Vic-sur-Seille i Lorraine i Frankrike. I 1620 opna han målarverkstad i Lunéville, heimstaden til kona. Han arbeidde for hertugen av Lothringen på 1620-talet og for den franske kongen Ludvig XIII, som utnemnde La Tour til hoffmålar i 1639. Viktigaste oppdragsgjevarane hans var likevel frå borgarskapen. Forma i La Tours bilete indikerer at han vitja Nederland og kanskje Italia, og såleis vorte inspirert av Gerard van Honthorst og særleg Caravaggios bruk av chiaroscuro.

Måleri

Maria

Heile La Tours produksjon omfattar i underkant av tjue måleri, og han var ukjent for kunsthistoria til bileta hans vart oppdaga på nytt tidleg på 1900-talet. Verka hans består av bibelmotiv og sjangerscener, samtlege framstilt som nattbilete. Måleria er kjenneteikna av komposisjonar med eit fåtal store figurar, som regel plassert i forgrunnen av biletet, og med store kontrastar mellom lys- og skugge.

Måleriet Josef med Jesusbarnet i snikkarverkstaden har eit for dåtida uvanleg motiv. Berre sjeldan i biletkunsten vart den heilage Josef og Jesusbarnet framstilt utan at Jomfru Maria er nærverande. Dette nattbiletet med ein meisterleg bruk av farge og lys, er ei blanding av religiøs historie og sjangermåleri. La Tour har her avstått frå å legge helgengloriar kring figurane. I staden gir han ei livsnær skildring av arbeidet i verkstaden. Biletet får ei allsidig kristen og ikonografisk tyding, med tanke på at Jesus kallar seg sjølv for «Verdas lys» (Joh. 8:12).

La Tour og familien hans døydde 1652 i Lunéville i ein pest.

Galleri

• 
  Josef med Jesus i snikkarverkstaden, 1640-åra
• 
  Maria Magdalena
• 
  Hieronymus
• 
  Den heilage Josef og engelen

Kjelder

• Denne artikkelen bygger på «Georges de La Tour» frå Wikipedia på bokmål, den 6. juni 2012.

Bakgrunnsstoff

Wikimedia Commons har multimedia som gjeld: Georges de La Tour