Giovanni Battista Sammartini

Giovanni Battista Sammartini (ca. 1700/1701–15. januar 1775) var ein italiensk komponist, organist, kormeister og lærar. Han hadde mellom anna Gluck som ein av studentane sine, og vart høgt respektert av yngre komponistar som Johann Christian Bach. Det er òg vorte merka at mange av stiliseringane i Joseph Haydn sine komposisjonar liknar dei til Sammartini, sjølv om Haydn nekta for at han var påverka av Sammartini. Sammartini er særleg tilknytt danninga av konsertsymfonien gjennom både skiftet frå ein kort operaoverturestil og innføringa av nytt alvor og bruk av tematisk utvikling som kom før både Haydn og Mozart. Somme av verka hans er skildra som galante, ein stil tilknytt ideala i opplysingstida, medan «det rådande inntrykket etter verka til Sammartini er at han i stor grad medverka til utviklinga av klassisismen, som nådde eit høgdepunkt då livet hans gjekk mot slutten.».

Giovanni Battista Sammartini
Fødd	1700 eller 1701
Fødestad	Milano i Italia
Død	15. januar 1775
Dødsstad	Milano i Italia
Opphav	Hertugdømet Milano
Periode	Wienerklassisismen
Aktiv	1732-1751
Sjanger	Kammermusikk, symfoni
Verka som	Komponist
Far	Alexis Saint-Martin

Han vert ofte forveksla med bror sin, Giuseppe, som òg var komponist.

Kjelder

• Denne artikkelen bygger på «Giovanni Battista Sammartini» frå Wikipedia på engelsk, den 2. mars 2012.
  • Wikipedia på engelsk oppgav desse kjeldene:
• Cattoretti, Anna, ed., Giovanni Battista Sammartini and his musical environment, Brepols, Turnhout, 2004. ISBN 2-503-51233-X.
• Churgin, Bathia and Jenkins, Newell. Thematic Catalog of the Works of Giovanni Sammartini: Orchestral and Vocal Music. Cambridge: published for the American Musicological Society by Harvard University Press, 1976. ISBN 0-674-87735-7.
• Stedman, Preston. The Symphony. Englewood Cliffs, New Jersey: Prentice Hall 1992.

Bakgrunnsstoff

• Fritt tilgjengelege notar av Giovanni Battista Sammartini ved International Music Score Library Project (IMSLP)