Givat HaShlosha

Givat HaShlosha (hebraisk skrift גִּבְעַת הַשְּׁלֹשָׁה, tyder 'åsen av dei tre') er ein kibbutz sentralt i Israel, kring 4 km aust for Petah Tikva, nær elva Yarkon.

Givat HaShlosha
landsby
Land	Israel
Region	Sharonsletta
Distrikt	Sentral
Koordinatar	32°5′53.88″N 34°55′15.59″E
Areal	4 km²
Folketal	761  (2010)
Grunnlagd	1. mai 1925
•  Grunnlagd av	polske HeHalutz-medlemmar
Tilhøyrsle	Kibbutzrørsla
Givat HaShlosha 32.0983°N 34.920997222222°E / 32.0983; 34.920997222222
Kart som viser Givat HaShlosha. Kart som viser Givat HaShlosha.
Wikimedia Commons: Giv'at HaShlosha

Staden er medlem av Kibbutzrørsla og høyrer til Drom Hasharon regionale kommune. Kibbutzen er kalla opp etter dei tre arbeidarane frå Petah Tikva som vart skulda for spionasje under fyrste verdskrigen (Palestina vart då under Det osmanske riket), og vart sende i fengsel i Damaskus. Dei vart torturerte og døydde i 1916.

Historie

Kibbutzen vart grunnlagd den 1. mai 1925 av ei gruppe frå HeHalutz-rørsla frå byen Klosobah i Polen. Den opphavlege plasseringa var vest for Petah Tikva, nær krysset mellom gatene Arlozorov og Tzahal i Petah Tikva i dag. Nær den originale kibbutzen låg det ein regionalskule kalla opp etter Rosa Cohen. Det var ein jordbruksskule som no er ein urban gard langs Kaplangata. Ein av dei største mathallane i Israel var tidlegare i drift i kibbutzen.

I tida før Israel vart grunnlagd, var Givat HaShlosha ein av kibbutzane der Palmach fekk opplæring, og her gøymde Haganah våpen. Han vart angripen av den britiske hæren under Operasjon Agatha.

I 1952 vart kibbutzen oppløyst, som mange andre kibbutzar, ved eit ideologisk skilje i kibbutzrørsla. I 1953 vart han flytta til den noverande plasseringa.

Kjelder

• Denne artikkelen bygger på «Givat HaShlosha» frå Wikipedia på engelsk, den 20. juli 2015.
  • Wikipedia på engelsk oppgav desse kjeldene: