Gjert A. Hegrenæs

Gjert A. Hegrenæs
	Gjert A. Hegrenæs
Fødd	6. juni 1874
Død	30. desember 1952 (78 år)
Statsborgar av	Noreg
Alle verv	vararepresentant til Stortinget (1919–1921); vararepresentant til Stortinget (1922–1924); vararepresentant til Stortinget (1925–1927); stortingsrepresentant (1928–1930); stortingsrepresentant (1931–1933); stortingsrepresentant (1934–1936); stortingsrepresentant (1937–1945) ;

Gjert Andreasson Hegrenæs (6. juni 1874–30. desember 1952) var ein norsk bonde og politikar frå Vevring i Sunnfjord. Han representerte Bondepartiet på Stortinget frå 1928 til 1945.

Hegrenæs var kasserar i den lokale sparebanken og tok i si tid over farsgarden. Han var medlem av Vevring heradsstyre 1908-25, ordførar frå 1911 til -25. Etter å ha vore vararepresentant til Stortinget for partiet Venstre i tida 1919-24, gjekk han over til det relativt nydanna Bondepartiet. Han representerte partiet og Sogn og Fjordan fylke på Stortinget frå 1928 til -45. I alle år på Tinget var han medlem av landbrukskomiteen, formann i perioden 1931-33.

Hegrenæs var 1928-46 med i landsstyret i Norges Bondelag og 1938-47 administrator i Hypotekbanken si avdeling i Bergen, samt styremedlem i Bergens-avdelinga av Norges Kreditforening for Land- og Skogbruk.

Kjelder

Norsk Allkunnebok. V. bandet. 1954