Glasmagasinet
59°54′47.725″N 10°44′44.142″E / 59.91325694°N 10.74559500°E
| Glasmagasinet | |||
 | |||
 Glasmagasinet 59°54′48″N 10°44′44″E / 59.91325694°N 10.745595°E | |||
|---|---|---|---|
Glasmagasinet eller GlasMagasinet er eit kjøpesenter på Stortorget i Oslo. Det var i mange år eit varemagasin for Christiania Glasmagasin, som også var kjend som Glasmagasinet. Bygningen er verna etter plan- og bygningsloven og er kommunalt listeført.[1]
Historie
endre
Den midtre delen av bygningen blei reist i 1899 i nyrenessansestil etter teikningar av Harald Olsen. Olsen hadde så arkitektkontoret sitt i øvste etasje av denne bygningen.[2] Seinare bygg kom til i 1973 og 1990.
Heile rekkja utgjer Stortorvet 9, 10 og 11. Då Christiania Glasmagasin først flytta hit var det til den midterste bygningen, nummer 10.[3] Nummer 9, som ligg på hjørnet mot Møllergata, bestod den gongen av eit lite hus kalla Simonsen på Torvet.[4] Huset var ein kombinert bustad- og forretningsgard der Peter Simonsen hadde kolonial fram til 1897. Etter hans tid blei bygget rive. Gardeigaren fekk ført opp dagens bygning ved arkitekt Ove Ekman i 1898-99, og forretningen Simonsen på Torvet heldt til her fram til 1935. Deretter blei garden innlemma i Glasmagasinet.[4]
Den siste bygningen i rekkja, hjørnegarden mot Torggata, var nummer 11 og her låg Elephant-Apotheket.[5] Apoteket låg på Stortorget frå 1879 til bygningen blei riven i 1972. Året etter byrja oppføringa av den nyaste delen av Glasmagasinet under leiing av arkitekt Frithjof Stoud Platou.[6][7] Bygget blei ferdigstilt i 1974. Det blei endra ved ei påbygging mot Linaaes gate i 1990; arkitekten bak dette var Jan Digerud.[6][8]
I 2014 bestemte Christiania Glasmagasin seg for å forlata bygningen, og blei erstatta av fleire mindre butikkar.[9]
Eigaren av bygget er KLP Eiendom.[10]
Kjelder
endre- ↑ «Stortorvet 9 - Christiania Glasmagasin», kulturminnesok.no (på norsk bokmål) (Riksantikvaren - Kulturminnesøk), henta 12. januar 2019
- ↑ Harald Olsen (1851-1910) Geir Tandberg Steigan / Artemisia
- ↑ Knut Are Tvedt side 123
- ↑ 4,0 4,1 Simonsen på Torvet, Stortorvet 9 Geir Tandberg Steigan / Artemisia
- ↑ Knut Are Tvedt side 151
- ↑ 6,0 6,1 Byantikvarens Gule liste
- ↑ F.S. Platou i Norsk biografisk leksikon
- ↑ Jan Digerud i Norsk biografisk leksikon
- ↑ «Glasmagasinet forlater Stortorvet etter 152 år». Osloby (Aftenposten). 24. mars 2014. Henta 12. januar 2019.
- ↑ «GlasMagasinet», www.klpeiendom.no, arkivert frå originalen 13. januar 2019, henta 12. januar 2019
- Delar av denne artikkelen bygger på «GlasMagasinet» frå Wikipedia på bokmål, den 12. januar 2019.
- Litteratur
- Knut Are Tvedt (red): Oslo byleksikon, Kunnskapsforlaget 2010, ISBN 978-82-573-1760-7