Glockner-massivet
Glockner-massivet er eit område i den midtre delen av fjellkjeda Hohe Tauern i Alpane i Austerrike. Glockner-massivet ligg i forbundslanda Tirol, Salzburg og Kärnten. Dei tre forbundslanda møtest på fjellet Eiskögele (3 423 moh).

Høgste fjelltoppen i Glockner-massivet, og samstundes det høgste fjellet i Austerrike, er Großglockner, 3 798 meter over havet. Større delar av Glockner-massivet høyrer til kjerneområdet til nasjonalparken Hohe Tauern. Pasterze, den største isbreen i Austerrike, ligg i Glockner-massivet.
Kjelder Endra
- Denne artikkelen bygger på «Glocknergruppe» frå Wikipedia på tysk, den 19. august 2014.