Gon

Gon (av gresk γωνία (gōnía), vinkel) er ei måleining av ein vinkel i planet, og svarer til ¹⁄₄₀₀ av ein full sirkel og dermed ¹⁄₁₀₀ av ein rett vinkel. Ein gon er lik ⁹⁄₁₀ av ein grad eller ^π⁄₂₀₀ av ein radian. Gon vart tidlegare kalla nygrad og skriven med ^g, ein heva minuskel g. Vanlege inndelingar av ein gon er centigon og milligon.

Eininga har opphavet sitt i Frankrike som ein del av det metriske systemet. På grunn av samanblanding med den eksisterande eininga grad – spesielt i Nord-Europa – vart namnet gon innført.

Sjølv om det vart gjort forsøk på ei generell innføring av eininga, var det berre nokre land som byrja å bruke han og då innanfor spesialiserte område som landmåling (og orientering). Ein av fordelane ved å bruke gon, er at ein skilnad i breidde på éin centigon (¹⁄₁₀₀ gon) svarer til omtrent éin kilometer (1000,1966 m (WGS 84) i gjennomsnitt; 995,1687 m (WGS 84) ved ekvator, 1005,2456 m (WGS 84) ved polane). (Dette ville gjort at nautisk mil vart overflødig.)

Den meir kjente eininga grad, ¹⁄₃₆₀ av ein sirkel, eller den matematisk meir laglege eininga radian, ¹⁄_2π av ein sirkel (som nyttast i SI-systemet), vert vanlegvis heller brukt enn gon.

Kjelder

• Denne artikkelen bygger på «Gon» frå Wikipedia på bokmål, den 9. november 2013.
  • Wikipedia på bokmål oppgav desse kjeldene:
• Ordbok for kart og oppmåling, RTT57, Statens kartverk, Norges karttekniske forbund, Rådet for tekniske terminologi, 1989. ISBN 82-90408-97-8