Gujranwala

Gujranwala (urduskrift گوجرانوالا‎) er ein pakistansk industriby som ligg i Gujranwala distrikt i Panjab. Han er den sjuande folkerikaste av storbyområda i Pakistan,[1] og er ein av dei raskaste veksande byane i landet.[2] Gujranwala ligg 226 meter over havet.[3] Han grensar mot Ghakhar Mandi, Alipur Chatha, Kamonke og fleire mindre byar og landsbyar.

Gujranwala (گوجرانوالا)
by
Ghanta Ghar, view from Gurunank pura road, Gujranwala.jpg
Land Flag of Pakistan.svg Pakistan
Region Panjab
Distrikt Gujranwala
Koordinatar 32°9′N 74°11′E
Areal 3 198 km²
Folketal 1 132 509 (august 2014[1])
Tidssone PST (UTC+5)
 - Sommartid PDT

Gujranwala
32°9′0″ N 74°10′0″ E
Wikimedia Commons: Gujranwala

HistorieEndra

Namnet «Gujranwala» viser til at byen blei bygd av gurjarar.[4] Namnet blir også knytt til riket Gurjara-Pratihara.[5] Ifølgje Imperial Gazetteer of India blei byen omdøypt Khanpur av sansi-jattar frå Amritsar som slo seg ned, men det eldre namnet overlevde.[4]

Gujranwala blei viktig under framveksten av Sikh-riket på 1700-talet. Han var fødestaden til grunnleggjaren av riket, Ranjit Singh, og hovudstad for føregjengarane hans, faren Maha Singh og farfaren Tsjarat Singh.[4] Sikh-leiaren Hari Singh Nalwa reiste mykje av den «nye» byen.[6]

Området kom under britisk styre i 1848. I 1881 blei det bygd ei jernbanelinje langs hovudvegen Grand Trunk Road som band saman Gujranwala med andre byar i Panjab og letta handel.[4]

KlimaEndra

Gujranwala har steppeklima (BSh etter Köppen si klimaklassifisering).[7] Om sommaren (juni til september) kan temperaturen koma opptil 36 °C. Dei kaldaste månadane er som regel november til februar, då gjennomsnittet klan ligga på 7 °C. Månadane med høgast nedbør er som regel juli og august, når monsunen kjem til Panjab. I dei andre månadane er gjennomsnittleg nedbør rundt 25 mm. Dei tørraste månadane er som regel november til april, med lite nedbør.[8]

Kulturarv i GujranwalaEndra

KjelderEndra

BakgrunnsstoffEndra