Håkon Randal

Håkon Olav Randal (9. juli 1930–22. juli 2012) var ein norsk høgrepolitikar frå Eivindvik i Gulen kommune. Randal var son til ordføraren Søren Randal.

Håkon Randal
Fødd	9. juli 1930 Gulen kommune
Død	22. juli 2012 (82 år)
Statsborgar av	Noreg
Parti	Høgre
Yrke	politikar, skuleleiar, embetsmann
Alle verv	stortingsrepresentant (1973–1977) stortingsrepresentant (1977–1981) stortingsrepresentant (1981–1985) fylkesmann i Hordaland (1984–1998)

Biografi

Randal arbeidde som lærar, rådgjevar og skulestyrar i åra 1962 - 1973 m.a. ved ungdomsskular i Manger og Bremnes. Han vart stortingsrepresentant for Hordaland frå 1973 til 1985, og var medlem av presidentskapen i Stortinget 1981-1985, og medlem av Høgre sitt gruppestyre i same periode. Frå 1984 til 1998 hadde Randal så stillinga som fylkesmann i Hordaland.

Randal hadde ei lang rekkje politiske verv. Av desse kan nemnast medlemskap av fylkesskulestyret i Hordaland 1972-1974, leiar i Mongstad-utvalet frå 1985, leiar i rådet for tusenårsjubileet for Den norske kyrkja 1988 - 1995, styremedlem og styreleiar i Hordaland Høgre 1977-1979, medlem av sentralstyret i Høgre 1977-1984 og 1. viseformann i Høgre 1980-1984.

Vidare var Randal leiar i Bergen Forsvarsforening 1989-1993 og president i Norsk Forsvarsforening frå 2001. Frå 2006 var han formann i Hordaland Senior Høgre.

Randal vart utnemnd til storriddar av Islands Falkeorden med stjerne i 1996. Randal var også frimurar.

Stortingskomitear

• 1973–1977 varamedlem i Den førebuande fullmaktskomitéen
• 1973–1977 medlem i Kyrkje- og undervisningskomitéen
• 1977–1981 nestformann i Den førebuande fullmaktskomitéen
• 1977–1981 medlem i Kyrkje- og undervisningskomitéen
• 1977–1981 nestformann i Fullmaktskomitéen
• 1981–1985 leiar i Den førebuande fullmaktskomitéen
• 1981–1985 medlem i Den utvida utanriks- og konstitusjonskomitéen
• 1981–1985 formann i Kommunal- og miljøvernkomitéen
• 1981–1985 varamedlem i Den utvida utanriks- og konstitusjonskomitéen
• 1981–1985 formann i Fullmaktskomitéen

Kjelder

• Sogn og Fjordane Fylkesleksikon om Håkon Randal.
• Bokmålswikipedia om Håkon Randal.
• Profil hjå Hordaland Høgre.
• Biografi på Stortinget.no

Fotnotar