Hægebostad kyrkje
Hægebostad kyrkje er ei åttekantkyrkje frå 1844 i Hægebostad kommune i Agder fylke.
| Hægebostad kyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Agder | ||
| Kommune | Hægebostad | ||
| Kyrkjesamfunn | Den norske kyrkja | ||
| Bispedøme | Agder og Telemark | ||
| Prosti | Lister og Mandal | ||
| Sokn | Hægebostad | ||
| Fellesråd | Hægebostad | ||
| Arkitekt | Nils Christian Hald | ||
| Teknikk | Lafteverk | ||
| Material | Tre | ||
| Innvigd | 1844 | ||
| Klokker | 1, K.C. Schmidt (1842) | ||
| Kyrkjegard | Ja | ||
| Preikestol | Av tre (1844) | ||
| Døypefont | Av tre | ||
| Altartavle | Kross | ||
| Orgel | Vestlandske (1973) | ||
| Sitjeplassar | 450 | ||
| Diverse | 2 galleri | ||
 Hægebostad kyrkje 58°20′25″N 7°12′20″E / 58.34029389°N 7.20550806°E | |||
| Wikimedia Commons: Hægebostad kirke | |||
Kyrkja vart bygd etter teikningar av sokneprest Nils Christian Hald (tenestetid 1841–1844) med godkjenning og mindre merknader frå stadskonduktør Christian H. Grosch. Torje Taralsen Birkeland var byggjeleiar.[1]
Kyrkja har 450 sitjeplassar.
I Inwood i USA har norske utvandrarar sett opp ei kyrkje dei har kalla Hægebostad.[2]
Tidlegare kyrkje
endreEi kyrkje på staden er fyrste gong nemnt i 1445, men det er ikkje kjend kva slags bygning dette var. Kyrkjestaden er nemnt i Stavanger kapitel si jordebok i 1620. Denne mellomalderbygningen vart riven i 1629, og ei langkyrkje av tømmer vart oppført i staden. Tømmerkyrkja hadde eit lite tårn, klokkene hang i eit eige lite bygg (stopul), og vindauga var små. Tomta var om lag den same som for dagens kyrkje. I 1723 selde kongen kyrkja. På auksjonen kjøpte fire bønder kyrkja på vegne av allmugen i bygda. Bygningen vart etter kvart for liten, og presten N.C. Hald argumenterte i 1843 òg for at bygningen ikkje var verdig som gudshus. Treverk frå kyrkja frå 1629 vart brukt om att då ny kyrkje vart oppført i 1844.
Fotnotar
endreKjelder
endre- Hægebostad kyrkje 150 år. Tingvatn: Hægebostad menighetsråd. 1994.
- Alf Henry Rasmussen (1993). «Hægebostad kirke, Snartemo». Våre kirker. Norsk kirkeleksikon. Kirkenær: Vanebo forlag. s. 455. ISBN 82-7527-022-7.
Bakgrunnsstoff
endre- «Hægebostad kyrkje». Kirkesøk. Den norske kyrkja.
- Vest-Agder fylkeskommune Arkivert 2016-09-17 ved Wayback Machine.
- Hægebostad kyrkjelege fellesråd
- Hægebostad kyrkje i kulturminnesok.no, nettstaden til Riksantikvaren