Hægebostad kommune
Hægebostad er ein innlandskommune i Agder fylke. Kommunen grensar til Kvinesdal i vest og nord, Åseral og Audnedal i aust og Lyngdal i sør.
| Hægebostad kommune | |||
| kommune | |||
 | |||
|
|||
| Land |  Noreg
| ||
|---|---|---|---|
| Fylke | Agder | ||
| Adm.senter | Tingvatn | ||
| Areal | 462 km² | ||
| • land | 426 km² | ||
| • vatn | 36 km² | ||
| Folketal | 1 776 (1. januar 2024) | ||
| Målform | nynorsk | ||
| Ordførar | Margrethe Handeland (2015) (Sp) | ||
| Kommunenr. | 4226 | ||
 Hægebostad kommune 58°27′24″N 7°13′11″E / 58.456666666667°N 7.2197222222222°E | |||
 Kart som viser Hægebostad kommune.
| |||
| Wikimedia Commons: Hægebostad | |||
| Nettstad: haegebostad.kommune.no | |||
Hægebostad har om lag 1.600 innbyggjarar. I tillegg er det kring 800 hytter i kommunen.
Elva Lygna som er varig verna mot kraftutbygging renn frå nord til sør i kommunen. Elva og vatnet Lygne har som følgje av kalking godt fiske. Alt i alt er det 988 små og store vatn i kommunen.
Kommunen har eit rikt dyreliv med elg, bever, rådyr, hare, rype, ørn og gaupe. Nord i kommunen er det beiteområde for den sørlegaste villreinstamma i landet.
Fylkesveg 42 kryssar kommunen i retning aust-vest, og fylkesveg 43 som går sørover gjev samband til Europaveg 39. Sørlandsbanen har stoppestad i Hægebostad på Snartemo stasjon. Stasjonen ligg midt mellom to av de lengste jernbanetunnelane i Noreg, Kvinesheitunnelen og Hægebostadtunnelen.
Meteorologisk institutt, Avinor og Statens vegvesen driv i samarbeid ein stor vérradar på Staksteinliknuten (631 moh.) i Hægebostad. Radaren stod ferdig i 2000 og dekkjer sørlege delar av Noreg og dei nære havområda utanfor.
Hægebostad kommune av i dag omfattar dei tidlegare kommunane Hægebostad og Eiken. Dei vart slegne saman i 1963. Dei to kommunane utgjorde ein kommune òg frå 1837 til 1915. Frå 1916 til 1962 var Hægebostad og Eiken sjølvstendige kommunar.