Haakon Løken

Haakon Løken (9. november 1859–10. september 1923) var ein norsk jurist, pressemann og politikar frå Inderøy i Nord-Trøndelag. Han var son til Herman Løchen og i samtida kjend som ein framifrå folketalar.

Haakon Løken
Statsborgarskap	Noreg
Fødd	9. november 1859 Inderøy kommune
Død	10. september 1923 (63 år) Christiania
Yrke	journalist, advokat, redaktør, skribent, politikar
Språk	norsk
Politisk parti	Venstre
Medlem av	Norsk Kvinnesaksforening
Far	Herman Løchen
Mor	Anna Margretha Jenssen Løchen
Haakon Løken på Commons

Løken var timelærar i språk 1876-81 og redaksjonssekretær i Nyt tidsskrift 1882-83. I 1884 vart han cand.jur. og arbeidde dei neste åra som overrettssakførar i Trondheim. Han var redaktør i Dagsposten frå 1890 til 1902, før han tok med seg staben over i den nystarta avisa Nidaros, der han var fram til 1910. Han var dessutan konstituert borgarmeister i Trondheim eit par år, før han i 1910 blei statsadvokat i Bratsberg og Nedenes (Telemark og Aust-Agder), og frå 1913 i Oslo. Han var konstituert fylkesmann i Oslo i periodane 1918–1920 og 1921–1923.

Løken var formann i Trondhjems liberale forening i tjue år frå 1881, styremedlem i Venstre i 1903. Perioden 1899-1910 var han med i formannskapet i Trondheim. Elles hadde han ei mengd verv, både offentlege og sivile. Han skreiv fleire bøker i ulike sjangrar. Løken er elles kjend for å ha gjeve namn til Trollheimen.

Kjelder

• Utdjupande artikkel om Løken på snl.no, skriven av Anders Kirkhusmo.

• Lindstøl, Tallak: Stortinget og Statsraadet 1814-1914. Kristiania, 1914