Handball-NM 1994/Kvinner

Noregsmeisterskapen i handball 1994 for kvinner vart vunne av Bækkelagets Sportsklub etter finalesiger 26 – 24 over Byåsen Idrettslag.

Kvartfinalane

• Bækkelaget SK – Lunner IL 34 – 23
• Gjerpen IF – Larvik 30 – 24
• Toten HK – Sjetne IL 24 – 18
• Byåsen IL – Tertnes IL 23 – 17

Semifinalane

• Byåsen IL – Gjerpen IF 35 – 27
• Toten HK – Bækkelaget SK 16 – 23

Finalen

Finalen vart avvikla i Oslo Spektrum laurdag 3. desember 1994 framfor 5 398 tilskodarar. Bækkelaget leia 14 – 10 ved pause. I den omgang auka laget til 19 – 13, før Byåsen innhenta forspranget og det stod uavgjort 22 – 22 då ordinær tid var ute. Dermed måtte to ekstraomgangar til før kaptein Susann Goksør kunne heve kongepokalen, etter at oslolaget hadde skåra 26 mål mot Byåsen sine 24.

For Bækkelaget netta Kjersti Grini (9), Susann Goksør (5), Hege K. Kvitsand og Christin Magnussen (4, begge), Rina Beldo, Vibeke Cook Jensen, Sahra Hausmann og Tone Langbakken (1, alle). Heidi Tjugum var målvakt.

Byåsen sine målskårarar var Natalja Kudrjatsjeva (8), Camilla Solberg (7), Kate Mogseth og Ann Cathrin Eriksen (3, begge), Kari Solem (2) og Trine Haltvik (1). Hege Frøseth stod i mål.

Dommarane Rune Forbord og Ole Jørstad straffa Bækkelaget med ei 2-minuttutvising og Byåsen med tre 2-minuttsutvisingar og eitt raudt kort.

Kjelder

• Arbeiderbladet 5. desember 1994
• Sportsboken 95-96. Chr. Schibsteds Forlag. 1995.