Hans Pedersen Rustand

Hans Pedersen Rustand (20. mai 1843–23. juli 1922) var ein norsk gardbrukar og tømmerhandlar frå Øvre Eiker i Buskerud. Han var stortingsmann for Samlingspartiet i perioden 1906-09.

Hans Pedersen Rustand
Fødd	20. mai 1843 Fiskum sokn
Død	23. juli 1922 (79 år)
Statsborgar av	Noreg
Yrke	politikar, bonde, trelasthandlar
Alle verv	stortingsrepresentant (1906–1909) ordførar i Øvre Eiker (1896–1897) ordførar i Øvre Eiker (1899–1901) ordførar i Øvre Eiker (1905–1907)

Rustand tok over farsgarden i 1871 og dreiv garden til 1907. Han var 1866-74 assistent og 1879-86 formann i ei trelastforretning. Åra 1887-92 var han tømmerhandlar på eigen kostnad. I tida 1878-1907 var han i 25 år medlem i heradsstyret, 17 av desse åra som medlem i formannskapet og 9 som ordførar. Han var frå 1883 styreformann og 1896 banksjef i den lokale sparebanken. Frå hausten 1906 representerte Rustand einmannskrinsen Numedal på Stortinget. Fram til 1909 var han medlem i Landbrukskomiteen.

Kjelder

• Lindstøl, Tallak: Stortinget og Statsraadet 1814-1914. Kristiania, 1914