Hans Robert Bruun
Hans Robert Bruun (fødd 12. april 1945) er ein norsk kokk og konditor frå Oslo, kjend frå fjernsyn og Kokkelandslaget.
| Hans Robert Bruun | |
 | |
| Statsborgarskap | Noreg |
| Fødd | 12. april 1945 (79 år) |
| Yrke | kokk |
Bruun er utdanna konditor med kokk som vidareutdanning ved den vidaregåande skulen på Etterstad. Etter trettifem år ved Hotel Continental sin Anden Etage og Theatercafeen,[1] skifte han jobb til den nye Grand Café på Grand Hotel i Oslo. Bruun heldt fram der fram til konkursen i 2003. I 1989 vart han kåra til Årets kjøkkensjef for arbeidet ved Hotel Continental.
Fra 2003 til 2010 jobba Bruun ved Matspecialen AS der han m.a. var med å byggja opp nytt konditori. Saman med Toppen Bech laga han seks episodar av sommarfjernsynsserien På besøk i 1993, der dei to sjekka kjøleskapet til Ola Thune, Randi Bratteli, Erling Kagge, Erik Dammann, Åse Kleveland og Arve Tellefsen. For TV2 leidde han vekesprogrammet Snaddermat for 2 frå hausten 1993, og for NRK var han med som kokk i Kokkekamp i fleire episodar frå 1998 til 2003. Bruun figurerte også i fleire utgåver av Fjernsynskjøkkenet og vart portrettert i boka Ingrid og hennes kokker av Ingrid Espelid Hovig.
Han har også delteke i Kokke-OL, både i 1988 og i 1992 og fått fleire medaljar der. Han har også hatt ei aktiv rolle på Morellfestivalen på Lofthus i Hardanger.[2]
Utgjevingar endre
- Julekaker og juleknask med Trude Monssen. Bidrag til fembinds-verket Jul i Norge (Cappelen, 2005).
- Den store boken om sjokolade (Orfeus, 1997)
Kjelder endre
- ↑ «Forlater Continental». Aftenposten. 7.4.2001.
- ↑ Om Morellfestivalen, arkivert frå originalen 27. januar 2011, henta 4. mai 2011
- Denne artikkelen er omsett frå «Hans Robert Bruun» frå Wikipedia på bokmål, den 4. mai 2011.